George Peppard

George Peppard

Biografia
Nasimènto	1° de otobre del 1928 Detroit (Michigan)
Morte	8 de majo del 1994 (65 ani) Los Angeles (Stati Unii de l'Amèrica)
Càuza de morte	Càuze nadurałi  (Polmonite e carcinoma del polmone (it) )
Liogo de sepełimento	Michigan
Dati personałi
Formasion	Università Purdue (it) Carnegie Institute of Technology (it) Dearborn High School (en)
Atività
Ocupasion	ator de tełevixion, ator de teatro, diretor de cine, ator, produtor de cine
Atività	1951  –
Zènare	Western
Cariera miłitar
Unità miłitare	United States Marine Corps (it)
Fameja
Cògnuze	Elizabeth Ashley (1966–1972), Divòrsio Sherry Boucher (it) (1975–1979), Divòrsio
stella sulla Hollywood Walk of Fame (it)

George Peppard, o George Peppard jr. (Detroit,1° novenbre 1928, xe stà un ator, regista e produtor sinematografego 'merican.

Nato a Detroit, inte el Michigan, inte el 1928 so fìo de un costrutor ediłe conosùo de queła xona, George Peppard Sr., e de na cantante d'òpara un mucio apresà, Vernelle Rohrer. Dopo el diploma a Deaborn (Michigan) e na łaurea in inxegnerìa a ła Purdue University el s'a dedicà sercando de reałixàr el so sogno, exordìndo inte el 1949 al teatro de Pittsburgh.
Sucesivamenti, inte i ani sinquanta el s'a trasferìo a New York par studiàr a l'Actor's Studio, indove el gà seguìo corsi del mestro Lee Strasberg in persona, fasendo el so exordio po'a Broadway a metà ani sinquanta, łavorando anca ne łe prime serie tełevixive, tra cui The United States Steel Hour inte el 1956, dove el gà conosùo Paul Newman.

Inte el 1957 el gà fato el so debuto inte el sinema in Un uomo sbagliato, mentre in tv xe conparso in un epixodio del straseguìo 'Alfred Hitchcock presenta', refarense che ghe gà permeso, un puochi de ani drìo, de eser sielto par el ròło del fio inlegìtimo de Robert Mitchum in A casa dopo l'uragano, film che gà otegnùo un otimo suceso. Al steso tenpo el gà continuà a loarare a Broadway, dove inte el 1958 el gà recità in The Pleasure of His Company, che ło gà portà a firmàr un contrato co ła MGM.

Dopo ch'el gà renonsià de interpretàr el ròło de "Vin" inte el film I magnifici sette (sta parte vegnarà interpretà da Steve McQueen), xe deventà indesmentegàbiłe cofà coprotagonista mas-cio de Audrey Hepburn in Colazione da Tiffany, che ghe gà dà un bon suceso faséndoghe scoverxer a tuti el so tałento. Inte el 1962 tòca a La conquista del West, inte el 1963 I Vincitori e inte el 1964 L'uomo che non sapeva amare co Carroll Baker, che anca se film de minor rimàrco aconparandoło col caołaor de Blake Edwards, Colazione da Tiffany, gà fato cussì conoser George dando un prestigio a ła so carièra. Anpò, drìo el suceso otegnùo in quei ani, ła so paraboła gà tacà un fià adàxio decadèr partesipando senpre pì de frecuente a film senpre più andànti.

No podendo catàr pì ròłi che ghe dase sodisfasion, el gà decixo de dedicarse a ła tełevixion laorando in diverse serie tełevixive, tra cui Banacek tra el 1972 e 'l 1974 e Doctors Hospital inte el 1975. Inte el 1978 el gà decidesto de prodùxer, dirigèr e interpretàr un film suo patòco: Cinque dì da casa. I rexultadi parò no xe stài boni e cussì el xe stà costreto a coverxarse de dèbiti. El suceso mancà par sto film ło gaveva rexo s-ciavo de l'alcol par qualche ano. Xe pròpio par cauxa de l'acol, che inte i ani drìo ghe xe stà oferti dei ròłi in film che jera de frecuente de mexa vigògna. Inte el 1981 a George ghe xe stà oferto de interpretàr Blake Carrington ne ła serie Dynasty, el gà xirà l'epixodio piłota co Linda Evans e Bo Hopkins, ma pì tardi el sbrasarà el ròło a cauxa de descòrdi capitài co i autori de ła serie e ła parte xe stà ciapà da John Forsythe. Inte el 1983 ghe xe stà oferta, drìo el refudo de James Colburn, el ròło de cołonèło John "Hannibal" Smtith ne ła serie tełevixiva A-Team, che gà rescòso tanto suceso sia inte i Stati Unii che a l'estàro. Ła serie xe durà sinque staxon, dal 1983 al 1987.

Peppard se ga spoxà sinque volte:

• Helen Davies (dal 1954 al 1964), da ła cuała gà avùo do fiòi, Bradford e Julie;
• Elizabeth Ashley (1966 – 1972), so partner inte el film L'uomo che non sapeva amare, e da ła cuała gà avùo un fio, Christian;
• Sherry Boucher-Lytle (dal 1975 al 1979);
• Alexis Adams (dal 1984 al 1986);
• Laura Taylor (dal 1992 al 1994).

El gà mołà de bevare a ła fìn dei ani setanta e drìoman el se ga doparà, inte i ultimi ani de ła so vita, par jutàr le persone vitime de ła dipendensa da alcol.

Inte el 1992 el gà conosùo ła so quinta mujer, Laura Taylor (ła so amiratrice nùmaro uno) e i se ga spoxà subito. Senpre inte el steso ano ghe vien diagnostegà un càncaro ai polmoni. Laura ghe xe restà visin tendendoło inte i ultimi 18 mexi de vita. Anca s'el gera małà, el gà laorà sensa fermarse e infati, poco 'vanti de ła so morte, el gà conpletà l'epixodio piłota par na serie nòva inte el 1994 (un derivà de Matlock). El xe morto in quel'ano, a 65 ani, de polmonìa par conplicasion simentàe da łe cure ch'el gera drìo far par conbatèr el càncaro ai polmoni, ne ła so casa de Los Angeles, indove el viveva in conpagnìa de so muger. El xe sepełìo ne ła tónba de famegia del Northview Cemetery de Dearborn, ne ła contea de de Wayne inte el Michigan.

• The United States steel hour, epixodio 4.2 (1956, tełefilm)
• Studio one, epixodio 9.18 (1957, tełefilm)
• The Alcoa hour, epixodio 2.14 (1957, tełefilm)
• The Strange One (Un uomo sbagliato) (1957)
• Kraft television theatre, epixodi 9.38 e 10.41 (1956/1957, tełefilm)
• Alfred Hitchcock presents, serie TV, epixodio The Diplomatic Corpse (1957)
• Suspicion, epixodio 1.23 (1958, tełefilm)
• Matinee theatre, epixodi 2.182, 3.113 e 3.181 (1957/1958, tełefilm)
• 38 parallelo: mission compiuta (Pork Chop Hill) (1959)
• A casa dopo l'uragano (Home from the Hill) (1960)
• Startime, episodio 1.27 (1960, tełefilm)
• The Subterraneans (La nostra vita comincia di notte) (1960)
• Breakfast at Tiffany's (Colazione da Tiffany) (1961)
• How the West Was Won (La conquista del West) (1962)
• The Victors (I vincitori) (1963)
• Hallmark Hall of Fame, epixodio Little Moon of Alban (1964, tełefilm)
• The Carpetbaggers (L'uomo che non sapeva amare) (1964)
• Bob Hope presents the Chrysler Theatre, epixodio 1.26 (1964, tełefilm)
• Operation Crossbow (Operazione Crossbow) (1965)
• Il terzo dì (The Third Day) (1965)
• The Blue Max (La caduta delle aquile) (1966)^[1]
• Tobruk (1967)
• Rough Night in Jericho (Due stelle nella polvere) (1967)
• P.J. (1968)
• What's So Bad About Feeling Good? (Una meravigliosa realtà) (1968)
• House of Cards (Il castello di carte) (1968)
• Pendulum (1969)
• The Executioner (L'esecutore) (1970)
• Cannon for Cordoba (4 par Cordoba) (1970)
• One More Train to Rob (Uno spaccone chiamato Hark) (1971)
• The bravos (1972, film par la tv)
• The Groundstar Conspiracy (La spia che vide il suo cadavere) (1972)
• Banacek (1972/1974, tełefilm)
• Newman's Law (Agente Newman) (1974)
• One of our own (1975, film par la tv)
• Guilty or innocent - The Sam Sheppard murder case (1975, film par la tv)
• Doctors' hospital (1975/1976, tełefilm)
• Damnation Alley (L'ultima odissea) (1977)
• Five Days from Home (Cinque dì ancora) (1979) (unico film dove Peppard xe ator e regista)
• Crisis in mid-air (1979, film par la tv)
• Contro 4 bandiere (1979)
• Torn between Two Lovers (Contesa Fatale) (1979)
• Battle Beyond the Stars (I magnifici sette nello spazio) (1980)
• Race for the Yankee Zephyr (Il tesoro dello Yankee Zephyr), regia de David Hemmings (1981)
• Your Ticket Is No Longer Valid (Ricordati Venezia) (1981)
• Twilight Theater (1982, film par la tv)
• Jugando co la muerte (1982)
• Tales of the unexpected (Il brivido dell'imprevisto), epixodio 7.1 (1984, tełefilm)
• The A-Team (A-Team) (1983/1987, telefilm)
• Man Against the Mob (Omicidi a Chinatown) (1988, film par la tv)
• Zwei frauen - Il silenzio del lago ghiacciato (Zwei frauen) (1989)
• Man against the mob: the Chinatown murders (1989, film par la tv)
• Night of the Fox (La notte dei generali) (1990, film par la tv)
• Die Tigerin (1992)
• Matlock, epixodio 8.17 (1994, tełefilm)

1. ↑ Inte el film La caduta delle aquile, dove el interpreta el ròło de pilota de aerei da guera todesco, inpara daseno a svołàr ciapando el brevéto de piłota siviłe.

- Video so youtube - Un tributo a l'ator

• Wikimedia Commons el detien imàjini o altri file so George Peppard
• Scholia el detien schemi gràfeghi so George Peppard