Bosa

Na bosa (dita anca butiła, butiłia o botiłia) ła xe un contenidor par conservar de i łiquidi. Ła połe esare fata de vero o de płastega e ła xe dotà da un tapo. El fondo de na bosa el xe pi łargo del coło, che xe pi streto cusì el xe pi fasiłe versare queło che ghe xe drento. Ła poe contégnare aqua, late, bevande, bira, vin, ojo da cuxina, ma ancha carburante, medexinałi, saon łìquido, shampoo, ingiostro...

Par qualche bosa (de véro) vien pagà un preso, chel vien dà indrio daspò che se ga fato tornare ła botiła voda al venditor. Par el smaltimento dei altri conteniduri (de véro o de plàstega) ghe xe de frecuente łuri casoneti de sunada difarensiada e'l risiclo del material.

Ła bosa de véro ła xe inportante inte ła storia del vin, parché, combinada con un tapo (stròpoło) de alta quałità come queło de suro, ła permete un sveciamento a łóngo tèrmene del vin. El véro el xe davero bon par conservarlo par tanto. El ga fato anca in modo chei fuse i produturi a inbosar el vin, pitosto chel trafegante. Prima el vin el vegneva venduo a bariłi (e prima oncora in ànfore) e se mai inbosà soło inte ła botega del trafegante.