Qiziltepa

Qiziltepa
shahar
40°02′10″N 64°51′01″E / 40.03611°N 64.85028°E / 40.03611; 64.85028
Mamlakat	Oʻzbekiston
viloyat	Navoiy viloyati
tuman	Qiziltepa (tuman, Navoiy viloyati)
Hukumat
• Qiziltepa tumani hokimi	Bobomurodov Bekzod Nuriddinovich
Aholisi	12 400
Vaqt mintaqasi	UTC+5
Avtomobil kodi	98
Qiziltepa Qiziltepa

Qiziltepa — Navoiy viloyati Qiziltepa tumanidagi shahar, tuman markazi. Temir yoʻl stansiyasi. Qiziltepadan viloyat markazi (Navoiy shahri) gacha 54 km. Aholisi 12 ming kishidan ziyod (2004). Shahar yonidan Chovli arigʻi oʻtgan. Paxta tozalash, gʻisht, un zavodlari, neft mahsulotlari omborxonasi, MTP, qurilish tashkilotlari, aloqa, transport korxonalari bor. Kichik va oʻrta biznes korxonalari, mikrofirmalar, savdo, madaniy va maishiy xizmat koʻrsatish shoxobchalari faoliyat koʻrsatadi. Umumiy taʼlim, bolalar musiqa va sanʼat maktablari, litsey, internat maktabi, agroservis kasb-hunar kolleji, tuman markaziy kutubxonasi, klub muassasalari, madaniyat va istirohat bogʻi, muzey, stadion bor. Tuman markaziy kasalxonasi, poliklinika, tez tibbiy yordam boʻlimi va boshqalar tibbiy muassasalar aholiga xizmat koʻrsatadi. Qiziltepadan Katta Oʻzbekiston trakti, temir yoʻl oʻtgan. Qiziltepadan Navoiy, Gʻijduvon, Shofirkon, Vobkent shahrilariga avtobus va marshrutli taksilar qatnovi yoʻlga qoʻyilgan.^[1]

Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan.