sil

a. — tuberkulyoz

1 Turli aʼzolar, asosan, oʻpkada oʻziga xos yalligʻlanish bilan kechadigan surunkali yuqumli kasallik; tuberkulyoz. ◆ Oʻpka sili. Suyak sili. Sil shifoxonasi. ◆ Tamaki tutuni tarkibidagi zaharli moddalar turli xil oʻpka xastaliklari — bronxit, sil, rak kasalliklariga olib kelishi mumkin. Gazetadan . ◆ Sut oʻpka yarasi va silga qarshi ishlatiladigan xash dori-darmonidir. K. Mahmudov, „Oʻzbek tansiq taomlari“ .

Sil boʻlmoq 1) sil kasaliga yoʻliqmoq; 2) koʻchma s. t. juda siqilmoq, zerikib, qon boʻlib ketmoq. ◆ [Fotima oʻz-oʻziga:] Hech bir kishi bilan soʻzlashmasdan, sil boʻlishga yaqin keldim. Hamza, „Tuhmatchilar jazosi“ . Sil kasali (yoki kasalligi) ayn. sil. Sil qilmoq

1) sil kasaliga yoʻliqtirmoq; 2) koʻchma s. t. yuragini siqaverib, toqatini toq qilib yubormoq. ◆ Sil qilib yubormoq. hi ◆ Poshshaxoning jahliga tekkan yana bir narsa — Sultonxonning beparvoligi! Shu beparvolik, shu oʻynab-kulib yurishlar Poshshaxonni sil qiladi, sil! Choʻlpon, „Kecha va kunduz“ . ◆ Yuragimda qabohat armon boʻldi, Buning zahmatlari meni sil qildi. "Baxrom va Gulandom" .

2 Shu kasal bilan ogʻrigan bemor. ◆ Sillarni davolamoq. Sillarni izolyatsiya qilmoq.

СИЛ. Oʻzbek tilining izohli lugʻati (2022) maʼlumotlaridan foydalanilgan; q.Adabiyotlar roʻyxati.