Tustadong tinapay
Ang tustadong tinapay, tinapay na tustado, tinustang tinapay, natustang tinapay, o tustang tinapay (Ingles: toast, toasted bread) ay ang tinapay na naging kayumanggi ang kulay dahil sa pagkakadarang sa bumubuga o nagliliyab na init. Dahil sa pagtutusta, umiinit ang tinapay at nagiging mas matatag, kaya't hindi natatapon o bumabagsak mula rito ang mga palaman o iba pang pagkaing ipinapatong. Isang pangkaraniwang paraan ang pagtutusta upang maggawang makakain pa at malasa ng hindi na sariwa, bilasa, o tira-tira (luma) nang tinapay. Isang kasangkapang ginagamit sa pagtutusta ng tinapay ay ang tustahan ng tinapay.
