జూలై 2008

జూలై 1

ఆర్కిటిక్ ప్రాంతంలో భారత్ హిమాద్రి పేరుతో మొట్టమొదటి పరిశోధన కేమ్ద్రాన్ని ప్రారంభించింది.
జమ్ము కాశ్మీర్ ప్రభుత్వం అమర్‌నాథ్ ఆలయమండలికి 39.88 హెక్టార్ల స్థలాన్ని కేటాయిస్తూ జారీచేసిన ఉత్తర్వును వెనక్కి తీసుకుంది.
ఉత్తర అఫ్ఘనిస్తాన్లో అమెరికా దళాలు చేపట్టిన దాడుల్లో 33 తీవ్రవాదులు మృతిచెందారు.
పశ్చిమ గోదావరి జిల్లా ఏలూరు నగర మేయర్‌గా కాంగ్రెస్ పార్టీకి చెందిన తాడిగడప రామారావు ఎన్నికయ్యాడు.
వైద్యరంగంలో విశేషకృషి చేసినవారికిచ్చే బి.సి.రాయ్ జాతీయ అవార్డులను 54మంది వైద్యులకు రాష్ట్రపతి ప్రతిభా పాటిల్ అందజేసింది.
ప్రముఖ బాలివుడ్ నటి శిల్పాషెట్టి బ్రిటన్ ప్రధానంచేసే ప్రతిష్ఠాత్మక గ్లోబల్ డైవర్సిటీ అవార్డుకు ఎన్నికైంది.

జూలై 2

ఈశాన్య రాష్ట్రాల అభివృద్ధికై అన్ని రాష్ట్రాల రాజధానులను కలుపుతూ రైలుమార్గం వేస్తున్నట్లు ప్రధానమంత్రి మన్‌మోహన్ సింగ్ ప్రకటించాడు.
ప్రాణహిత-చేవెళ్ళ ప్రాజెక్టుకు సంబంధించిన 4 ప్యాకేజీలకు, దేవాదుల ఎత్తిపోతల పథకంలో ఒక ప్యాకేజీకి సంబంధించిన టెండర్లు రద్దుచేయాలని నీటిపారుదలశాఖ నిర్ణయించారు.

జూలై 3

పాకిస్తాన్లో జరిగుతున్న ఆసియాకప్ క్రికెట్ టోర్నమెంటులో భారత జట్టు ఫైనల్లోకి ప్రవేశించింది.

జూలై 4

భారత్‌లో పలు కేసులలో నిందితుడుగా ఉన్న అంతర్జాతీయ నేరగాడు నరేంద్రకుమార్ రస్తోగిని అమెరికా భారత్‌కు అప్పగించింది.
అమలాపురం మాజీ లోక్‌సభ సభ్యుడు కె.ఎస్.ఆర్.మూర్తి కామ్గ్రెస్ పార్టీకి రాజీనామా.
ప్రపంచంలో 20మంది మహామేధావుల జాబితాలో అమెరికాలో నివసిస్తున్న ఇద్దరు భారతీయులకు (అమర్త్యాసేన్, పరీద్ జకారియా) చోటుదక్కింది.
అంతర్జాతీయ బ్యాడ్మింటన్ ర్యాంకింగ్‌లో సైనా నెహ్వాల్ 18వ ర్యాంకును సాధించింది.
2009లో ఇంగ్లాండులో నిర్వహించే ట్వంటీ-20 ప్రపంచ కప్ క్రికెట్‌నుంచి జింబాబ్వే జట్టు టోర్నమెంటు నుంచి తప్పుకుంది.

జూలై 5

కర్నూలు జిల్లాకు చెందిన భూమా నాగిరెడ్డి, శోభానాగిరెడ్డి దంపతులు తెలుగుదేశం పార్టీకి రాజీనామా చేశారు.
వీనస్ విలియమ్స్ వింబుల్డన్ మహిళల సింగిల్స్ టైటిల్‌ను కైవసం చేసుకుంది. ఫైనల్లో సోదరి సెరెనా విలియమ్స్ను వరుస సెట్లలో ఓడించింది.

జూలై 6

అణుఒప్పందంపై కేంద్రప్రభుత్వం వామపక్షాల హెచ్చరికను కాదని ముందుకు వెళ్ళడానికే నిర్ణయించింది.
మన్మోహన్ సింగ్ ప్రభుత్వానికి మంద్దతు ఇవ్వడానికి ములాయంసింగ్ యాదవ్ సంసిద్ధత వ్యక్తం చేశాడు.
లండన్లో జరిగిన వింబుల్డన్ టెన్నిస్ సింగిల్స్ టైటిల్‌ను రాఫెల్ నాదల్ కైవసం చేసుకున్నాడు. ఉత్కంఠతో జరిగిన ఫైనల్ పోరులో 5సార్లు విజేత అయిన రోజర్ ఫెడరర్ను 6-4, 6-4, 6-7, 6-7, 9-7 స్కోరుతో ఓడించాడు.
కరాచిలో జరిగిన ఆసియా కప్ క్రికెట్ ఫైనల్లో శ్రీలంక జట్టు 100 పరుగుల తేడాతో భారత జట్టును ఓడించి కప్ గెలుచుకుంది.

జూలై 7

జమ్ము కాశ్మీర్ ముఖ్యమంత్రి గులాం నబీ ఆజాద్ పదవికి రాజానామా చేశాడు.
ఆంధ్ర ప్రదేశ్ రాష్ట్ర తొమ్మిదవ వేతన సవరణ సంఘం చైర్మెన్‌గా చల్లపల్లి సత్యనారాయణ నియమితులయ్యాడు.
యూరప్ ఖండంలోని గన్సీ దేశానికి అంతర్జాతీయ క్రికెట్ కౌన్సిల్ సహసభ్యదేశ హోదా లభించింది. దీనితో ఐసిసి సహసభ్యదేశాల సంఖ్య 32కి చేరింది.
వింబుల్డన్ ఓపెన్ టెన్నిస్ మిక్స్‌డ్ డబుల్స్‌లో బాబ్ బ్రయాన్, సమంతా స్తుసుర్ జోడి విజయం సాధించింది.

జూలై 8

మన్‌మోహన్ సింగ్ నాయకత్వంలోని యుపీఏ ప్రభుత్వానికి వామపక్షాలు మద్దతును ఉపసంహరించుకున్నాయి.
4 రాష్ట్రాలకు కొత్త గవర్నర్లు నియమించబడ్డారు. హిమాచల్ ప్రదేశ్ గవర్నర్‌గా ప్రభారావు, మణిపూర్ గవర్నర్‌గా గురుబచన్‌సింగ్ జగత్, గోవా గవర్నర్‌గా శివేందర్‌సింగ్ సిద్ధూ, మహారాష్ట్ర గవర్నర్‌గా ఎస్.సి.జమీర్ లుగా వ్యవహరిస్తారు.
రాష్ట్రంలో కొత్తగా 21 డిగ్రీకళాశాల ఏర్పాటుకు ఆంధ్ర ప్రదేశ్ ప్రభుత్వం ఉత్తర్వు జారీచేసింది.
కృష్ణా జిల్లా మైలవరం శాసనసభ్యుడు చనుమోలు వెంకట్రావు మృతిచెందాడు.
కల్కా-సిమ్లా రైలుమార్గం ప్రపంచ వారసత్వ జాబితాలో చేర్చబడింది.

జూలై 9

ఇరాన్ 2000 కిలోమీటర్ల పరిధి కల అత్యాధునిక ఖండాంతర క్షిపణి షహబ్-3 ప్రయోగించింది.
ఝార్ఖండ్లో జనతాదళ్ (యు) శాసనసభ్యుడు రమేశ్ సింగ్ ముండాను కాల్చివేశారు.
కేంద్రంలోని యుపిఏ ప్రభుత్వానికి మద్దతుగా సమాజ్‌వాది పార్టీ రాష్ట్రపతికి లేఖను సమర్పించింది.

జూలై 10

సల్మాన్ రష్డీ రచించిన ప్రముఖ నవల "మిడ్‌నైట్ చిల్డ్రెన్స్" బెస్ట్ ఆఫ్ ది బుకర్ పురస్కారాన్ని గెలుచుకుంది.
జమ్ము కాశ్మీర్లో గవర్నర్ పాలన విధించబడింది.
ప్రపంచ యువ చాంపియన్‌షిప్ ఫైనల్స్‌కు చేరిన తొలి భారతీయ స్విమ్మర్‌గా విర్థావల్ ఖడే రికార్డు సృష్టించాడు.
థాయిలాండ్లో అత్యంత సంపన్నులైన జాబితాలో భారతీయ సంతతికి చెందిన మహిళ నిషితా షా 18వ స్థానం పొందినది.

జూలై 11

తెలుగుదేశం పార్టీ నుంచి బయటకు వచ్చిన మాజీ మంత్రి దేవేందర్ గౌడ్ నవ తెలంగాణ ప్రజా పార్టీ పేరుతో కొత్త రాజకీయ పార్టీ స్థాపించాడు.
భారత ద్రవ్యోల్బణం రేటు 0.26% పెరిగి 11.89%కి చేరింది.

జూలై 12

మాజీ విదేశాంగ మంత్రి నట్వర్‌సింగ్ కుమారుడు జగత్‌సింగ్ బహుజన్ సమాజ్ పార్టీలో చేరినాడు.

మూలాలు