Ray Allen
| Ray Allen | |
 | |
| Ray Allen sraral hya’ga sisyuw na NBA, wal malaxmisuq qaniy la. | |
| ryax na hintgan
kawas/byacing/ryax/rhzyal na hintgan |
ryax 20 tay byacing na 7 kawas na 1975/ Merced, California |
| ttman ppcyuwagan | senmong pgnaw’ mari’ NBA |
| ki’an sa psspung pgnawgan mari | p’agal tins’ tay suruw |
| kinwagiq/kinz’usuw | 196 cm / 93 kg |
| banggo’ na lukus | 34, 20 |
| malax pinqwasan (hmawh pinqwasan) raygak | Connecticut (1993–1996) |
| pgwazyaw giqas sinsyuw/binkgan lalu’ | 1996 / tay 1 mthwiru’ / tay 5 binkgan lalu’ |
| wal galun na gluw na pgnaw’ mari’ | wal galun na Minnesota Timberwolves |
| kinmuci’ na pintzyuwaw niya’ ini’ga kirok | |
| champion NBA (2008, 2013)
mspung na hayhyuw na NBA (2000–2002, 2004–2009, 2011) pszik sa gluw na psspung sa kawas na NBA (2005) | |
| ginlgan niya’ gluw na ppspun mari’ | |
| 1996–2003 Milwaukee Bucks
2003–2007 Seattle SuperSonics 2007–2012 Boston Celtics 2012–2014 Miami Heat wal malax la | |
Ray Allen
lalu’ nya’ balay ga Walter Qay Allen Jr.
Mhtuw kya squ qalang California squ ryax te 20 sa byacing te 7 sa kawas te 1975, mingsinsyuw na senmung ppzyuwi’ mari’, sllwan naha’ maha aring sraral quw misuw qaniy ga pzyang balay blaq na ppbu’ mari’ na qsahuy na qutux squliq.
196 senci’ kinwagiq niya’, ru 93 kilo kinz’usuw nya’, kki’an nya’ gmnaw’ mari’ ga maki’ squ spzyang p’agal tinsu’ ka pslsul te suruw.
kawas sa 1996 ga, minxal balay na’ pinthwiru’ na pspngan l ga 5 binkgan lalu’ nya’ ru galun kya na Sud the gray wolf lru, aring kya quw ryax nya sa kinmuci’ balay na NBA kya la.
ryax nya’ tmmari’ ga mnaki’ sa Milwaukee Bucks Seattle Seattle Southend Miami Heat.
mnwah p’ega’ ega’ na (msina’ mciriq), galan pszik na pzyang p’ega’.
Kinblaq pincyuwagan nya’ sa ryax nya’ ptmari’
[smr’zyut miru’ | Smr’zyut miru’ Yuensma’]24505 kwara ’nagal niya’ tinsu’(’nblequn ptnaqun plpuw ga 18.9 inxalan nya’ magal tinsu’), 4361 qu rnaw nya’ (’nblequn ptnaqun plpuw ga 3.4 inxalan nya’ magal tinsu’ ), 2973(aring sraral ru misuw qaniy ga ungat hmzinas hiya’)
Kinmuci’ na pincyuwagan
[smr’zyut miru’ | Smr’zyut miru’ Yuensma’]nanak hiya’ pzyang pzyux wal zyupun aring sraral ruw misuw qaniy, ru pzyang balay pzyux santing wal zyupun san tin squ psspngan na p’iyugan kayal, minsazing magal ici’bang NBA, ru qnabu’ kinpay na Orinpik.
nanu’ qu sinxalan msspung ga icibang pzyux wal zyupun santing sa ubuy na pspngan Champion, kinpay na sekay unrokay, ru kinpay na mqhzyaw na qnabu’ na Amerika’, min10 gnalan lahuy pspung na hayyo NBA.
minsazing gmnluw sa lahuy na NBA tay zmagal lahuy, msspung na pbuling santing NBA ga magal icibang, mspung sa giqas na sinsyuw kawas ga mluw sa te sazing lahuy, magal qnabu’ na pzyang balay blaq balay sesing na NBA, pin’ega’ na sazing ega’.
minkirok ryax nya’ tmmari’
[smr’zyut miru’ | Smr’zyut miru’ Yuensma’]pgwazyaw sa giqas na sinsyuw squ kawas sq 1996 ga, galun kya na Gray Wolves, ini’ kbsyaq lga wal naha’ sptbaziy sa Bucks la.
sa kawas te 2000 ga galun nya’ icibang na msspung pbu’ santing mari’.
sa kawas te 2003 ga galun naha’ kya sa te sazing lahuy na NBA.
squ kawas te 06-07 ga sbiru’ nya’ kya qu ryax nya’ tmmari’ ka sinxalan nya’ mspung ga 26.4 heking tinsu’ ’nagal nya, 4.5 qu zningat niya’ zik na ttkran mari’, 4.2 qu rnaw niya’.
kawas tay 2006 ga wal nya’ galun kya quw minkirok na pzyang pzyux balay santing mari’ wal niya’ zyupun, nanu’ yasa qu son naha’ maha kirok na NBA syax na aring sraral ru micing sa ryax qasa.
ryax sa 12 na byacing tay 1 na kawas tay 2007 ga, galun niya’ kya quw 54 ting kinwagiq sinxalan niya’ msspung.
ryax sa 12 na byacing tay 6 na kawas te 2008 ga, maras sa lahuy na Boston Celtics ruw wal nya’ ginhzyazyun magal icibang na sinxalan pinspungan ga sisay aring sraral ru mucing misuw qaniy ga sinxalan mspung ga sisay wal niya’ pssyukun quw aki’ slaqux na pinspngan（24 ting quw pin’alax tins’ naha’）
ryax sa 17 na byacing tay 6 na kawas tay 2008 ga, 7 qu santing wal nya’ zyupun sa sinxalan naha’ msspung qasa (yasa quw kirok na icibang ryax aring sraral), rnaw siya’sa lahuy na Seltick magal icibamg.
kawas te 2009 ga, si say wal nya’ sbiru’ kya qu pzyang balay wagiq tins’ sinxalan pinspung (51 ting) .
ryax sa 16 na byacing tay 6 sa kawas te 2010 ga, wal nya’ sbiru’ kya lozi kirok na cibang pzyux santing mari’ ka pspngan na champion sinxalan mspung (mspat wal nya’ zyupun).
ryax sa 10 na byacing tay 2 sa kawas tay 2011 ga, yasa qu mgcinqsu’ balay na squliq magal sa pzyang balay pzyux wal zyupun santing mari’ kya NBA aring sraral quw misuw qaniy.
ryax sa 25 na byacing te 4 sa kawas te 2013 ga, mgcinqsu’ balay pspngan na p’iyugan kayal ka pzyang balay pzyux wal zyupun santing mari’ aring sraral quw mucing misuw qaniiy.
nanu’ squw kawas tay 2013 ga, msspung na mzzingat champion sa aty 6 psspngan ga, yasa balay pucing balay 5.2 byo nanak msthay zikang lga, 3ting plaxan naha’ qu gluw nya’ ka Hot fire team lga, zyupun nya’ kya qu wal thuzyay ptnaq tins’ ka 3ting mari’ qasa (nanu’ quw mari’ qasa ga wal memaw sllwan kwara’ squliq maha ryax pinsspung na champion aring sraral ru mucing misuw qaniy na NBA ga, spzyang balay strahu’ balay kinblayqan znup na mari’ ma), ruw psqruzyuxun naha’ quw pinsspung naha’ ru, wal nya’ zyupun lozi qu giwan pinhaw na saybang ka si say yasa qu wal balay magal sa kinlaqux naha’ sazing tins’ qasa, tmasuq lga sglaing nya’ magal sa champion na NBA qasa, yasa uzi qu wal minhhuzyay magal te sazing na qnabu’ na champion na NBA.
sa kawas te ryax sa 1 na byacing tay 11 sa kawas te 2016 lga, yasa balay qu skayal nya’ kwara’ squliq sa squzi’ niya’ quw pinlukus nya’, ru tmasuq kya qu ryax nya’ tmmari’ nya’ la.