Shaka Samvat

Shaka Samvat ni kalenda rasmi ya kitaifa nchini Uhindi inayotumiwa huko pamoja na kalenda ya Gregori.

Historia ya Kalenda hii

Kalenda ilianzishwa mwaka 1957 baada ya uhuru wa Uhindi kwa lengo la kuunda kalenda ya kitaifa inayosaidia kuunganisha nchi hii kubwa. Kalenda ilitungwa na kamati iliyochungulia zaidi ya kalenda 30 tofauti zilizowahi kutumiwa katika sehemu na tamaduni mbalimbali za Uhindini.

Ni kalenda ya jua na muundo wake unafanana na kalenda ya Kiajemi jinsi inavyotumiwa nchini Iran.

Hesabu ya miaka

Hesabu ya miaka inaanza mwaka 78 BK. Kwa hiyo mwaka 2014 katika hesabu ya Gregori unalingana na mwaka 1936–1937 wa Shaka Samvat.

Muundo wa Kalenda

Mwaka huwa na siku 365 na kugawiwa kwa miezi 12. Kila mwaka wa nne ni mwaka mrefu wa siku 366. ^[1] Miezi ya kwanza huwa na siku 31, mengine siku 30. Mwezi wa kwanza (Chaitra) una siku 30 ila katika mwaka mrefu siku 31.

Mwaka huanza Machi 22 wa kalenda ya Gregori ambayo ni siku ya usawa wa mchana na usiku. ^[2]

	Mwezi	Idadi ya siku	Siku ya kwanza (kuf. na Kalenda ya Gregori)
1	Chaitra	30/31	Machi 22*
2	Vaisakha	31	Aprili 21
3	Jyaistha	31	Mei 22
4	Asadha	31	Juni 22
5	Sravana	31	Julai 23
6	Bhadra	31	Agosti 23
7	Asvina	30	Septemba 23
8	Kartika	30	Oktoba 23
9	Margashirsh (Agrahayana)	30	Novemba 22
10	Pausa	30	Desemba 22
11	Magha	30	Januari 21
12	Phalguna	30	Februari 20

Marejeo

↑ Menginevyo utaratibu wa miaka mirefu unafuata Kalenda ya Gregori
↑ Isipokuwa mwaka mrefu ambako siku a kwanza ni Machi 21

Viungo vya Nje

Calendars and their History (by L.E. Doggett) Archived 1 Aprili 2004 at the Wayback Machine.
Indian Calendars (by Leow Choon Lian, pdf, 1.22mb)
Positional astronomy in India
India Image website Archived 19 Februari 2007 at the Wayback Machine.
Hindu Panchang

[1] Menginevyo utaratibu wa miaka mirefu unafuata Kalenda ya Gregori

[2] Isipokuwa mwaka mrefu ambako siku a kwanza ni Machi 21

[1]

[2]