Seelter Läid

Dät Seelter Läid is ne Hymne ap dät Seelterlound un dät Seelter Foulk. Die Text fon Fikoar Schulte wäd ap juu Wiese fon "Brüder lagert euch im Kreise", komponierd fon Johann Christian Heinrich Rinck (1770-1846), soangen. Dät is nit tou ferwikseljen mäd dät oolde Seelter Läid fon M. Seeling.

( Seelter Läid ^?/i)

Soang mäd do Seelter Sjungere

Ljuude rakt et fuul un Lounde,

do ap Goddes Waareld stounde.

Man wät gungt deer wäil uur Seelter,

un uur't litje Seelterlound?

Seelter jäilde aal as Bruure,

oachtje, hälpe een de uure.

Träf´ se sik uk in de Froamde,

hat et fluks: "Wie sunt ja früünd".

Eene Sproake un aan Gloowe

un dät trjoue Haat, do dwo,

dät wie uus am ljoosten säike

Sälskup bie dät oaine Foulk.

Seelterlound, dät druuch mien Wääse,

deer wol iek begreeuwen lääse,

wier uk al min Baab' un Bääsje

sunt truch't Äidenlieuwend geen.

Huus, wier spielden wie as Bäid´ne,

dät Ferstopjen in de Häid´ne,

Tikken, Räiden, Pingelpangel,

kuud iek die ferjeete wäil?

Seelterlound, du laist ousleeten,

fon de Waareld gans ferjeeten.

Man din Foan häd uus uk heelden

fräi fon Fäinde, Kriech un Nood.

Seelter, wie hääbe t hier goud roaked

dan uus Lound häd sik ächt moaked.

Häd et uus daach riekelk lääwerd

Fjuur un Woater un sääd Brood.

Wie sunt luuter een Lounds Loundjer,

Skäddeler, Roomelster un Uutändjer,

un wie toanke een un t sälge:

"Seelterlound, dät lieuwje hooch!"

• Komponist: Johann Christian Heinrich Rinck (1770-1846) [1]