Snapchat ਸੁਰੱਖਿਆ ਕੇਂਦਰ
Snapchat ਤੇਜ਼, ਮਜ਼ੇਦਾਰ ਤਰੀਕਾ ਹੈ ਪਲਾਂ ਨੂੰ ਆਪਣੇ ਦੋਸਤਾਂ ਅਤੇ ਪਰਿਵਾਰ ਨਾਲ ਸਾਂਝਾ ਕਰਨ ਦਾ। ਸਾਡਾ ਜ਼ਿਆਦਾਤਰ ਭਾਈਚਾਰਾ Snapchat ਨੂੰ ਹਰ ਰੋਜ਼ ਵਰਤਦਾ ਹੈ, ਇਸ ਕਰਕੇ ਸਾਡੇ ਲਈ ਇਹ ਹੈਰਾਨੀ ਵਾਲੀ ਗੱਲ ਨਹੀਂ ਹੈ ਕਿ ਮਾਪੇ ਅਤੇ ਅਧਿਆਪਕ ਹਰ ਦਿਨ ਸਾਡੀ ਸਲਾਹ ਮੰਗਦੇ ਹਨ। ਅਸੀਂ ਤੁਹਾਡੀਆਂ ਚਿੰਤਾਵਾਂ ਨੂੰ ਸਾਂਝਾ ਕਰਦੇ ਹਾਂ ਅਤੇ ਰਚਨਾਤਮਕਤਾ ਅਤੇ ਖੁਦ ਨੂੰ ਜ਼ਾਹਰ ਕਰਨ ਲਈ ਸੁਰੱਖਿਅਤ, ਮਜ਼ੇਦਾਰ ਮਾਹੌਲ ਦੇਣਾ ਚਾਹੁੰਦੇ ਹਾਂ।
ਰਿਪੋਰਟ ਕਰਨਾ ਆਸਾਨ ਹੈ!
ਐਪ-ਵਿਚਲੀ ਰਿਪੋਰਟਿੰਗ
ਤੁਸੀਂ ਸਿੱਧਾ ਐਪ ਦੇ ਅੰਦਰੋਂ ਸਾਨੂੰ ਆਸਾਨੀ ਨਾਲ ਅਢੁਕਵੀਂ ਸਮੱਗਰੀ ਦੀ ਰਿਪੋਰਟ ਕਰ ਸਕਦੇ ਹੋ! Snap ਉੱਤੇ ਦਬਾਓ ਅਤੇ ਦਬਾਈ ਰੱਖੋ, ਫਿਰ 'ਰਿਪੋਰਟ Snap' ਬਟਨ ਤੇ ਟੈਪ ਕਰੋ। ਸਾਨੂੰ ਹਲਾਤ ਬਾਰੇ ਦੱਸੋ - ਅਸੀਂ ਤੁਹਾਡੀ ਮਦਦ ਲਈ ਹਰ ਸੰਭਵ ਕੋਸ਼ਿਸ਼ ਕਰਾਂਗੇ! ਐਪ ਅੰਦਰੋਂ ਮਾੜੇ ਸਲੂਕ ਦੀ ਰਿਪੋਰਟ ਕਰਨ ਬਾਰੇ ਹੋਰ ਜਾਣੋ ਅਤੇ Snapchat ਵਿੱਚ ਰਿਪੋਰਟ ਕਰਨ ਦੀ ਤੁਰੰਤ-ਗਾਈਡ ਡਾਊਨਲੋਡ ਕਰੋ।
ਸੁਰੱਖਿਆ ਸਭ ਦੀ ਸਾਂਝੀ ਜ਼ਿੰਮੇਵਾਰੀ ਹੈ
ਸ਼ੁਰੂਆਤ ਤੋਂ ਹੀ, Snapchat ਲੋਕਾਂ ਨੂੰ ਆਪਣੇ ਕੈਮਰੇ ਨਾਲ ਆਪਣੇ ਆਪ ਨੂੰ ਜ਼ਾਹਰ ਕਰਨ ਲਈ ਤਾਕਤ ਦਿੰਦੀ ਹੈ। ਅਸੀਂ ਉਹ ਸਮਾਜਿਕ ਨੈੱਟਵਰਕ ਨਹੀਂ ਬਣਾਉਣਾ ਚਾਹੁੰਦੇ ਸੀ ਜਿੱਥੇ ਤੁਸੀਂ ਆਪਣੇ ਆਪ ਹੀ ਹਰ ਜਾਣਨ ਵਾਲੇ ਨੂੰ ਦੋਸਤ ਬਣਾ ਲਓ ਜਾਂ ਜਿੱਥੇ ਤੁਸੀਂ ਇਹ ਦੇਖੋ ਕਿ ਸਭ ਤੋਂ ਵੱਧ ਕੀ ਪ੍ਰਸਿੱਧ ਹੈ। ਇਸ ਦੀ ਬਜਾਏ, ਅਸੀਂ ਲੋਕਾਂ, ਪ੍ਰਕਾਸ਼ਕਾਂ ਅਤੇ ਬ੍ਰੈਂਡਾਂ ਲਈ ਆਪਣੀਆਂ ਕਹਾਣੀਆਂ ਨੂੰ ਦੱਸਣਾ ਅਸਾਨ ਬਣਾਉਣਾ ਚਾਹੁੰਦੇ ਸੀ — ਉਹਨਾਂ ਦੇ ਤਰੀਕੇ ਨਾਲ!
Snaps ਤੇਜ਼ ਅਤੇ ਆਸਾਨ ਸੰਚਾਰ ਲਈ ਬਣਾਏ ਗਏ ਹਨ, ਇਸ ਲਈ ਉਹ ਪੂਰਵ-ਨਿਰਧਾਰਤ ਤੌਰ 'ਤੇ ਮਿਟਾਉਂਦੇ ਹਨ! ਦੋਸਤ ਕੇਵਲ ਉਹੀ ਚੀਜ਼ਾਂ ਦੇਖ ਸਕਦੇ ਹਨ ਜੋ ਤੁਸੀਂ ਉਹਨਾਂ ਨੂੰ ਸਿੱਧਾ ਭੇਜੋਗੇ ਜਾਂ ਜਨਤਕ ਤੌਰ 'ਤੇ ਤੁਹਾਡੀ ਕਹਾਣੀ ਵਿੱਚ ਪੋਸਟ ਕਰਨ ਲਈ ਚੁਣੋਗੇ।
Snapchatters ਨੂੰ ਸੁਰੱਖਿਅਤ ਅਤੇ ਸੁਚੇਤ ਰੱਖਣ ਲਈ ਸਾਡੀਆਂ ਟੀਮਾਂ, ਉਤਪਾਦ, ਨੀਤੀਆਂ ਅਤੇ ਭਾਈਵਾਲੀਆਂ ਡਿਜ਼ਾਇਨ ਸਿਧਾਂਤਾਂ ਮੁਤਾਬਕ ਸੁਰੱਖਿਆ ਨੂੰ ਲਾਗੂ ਕਰਦੀਆਂ ਹਨ, ਅਤੇ Snap ਆਪਣੇ ਭਾਈਚਾਰੇ ਦੀ ਸੁਰੱਖਿਆ ਅਤੇ ਤੰਦਰੁਸਤੀ ਲਈ ਗੰਭੀਰਤਾ ਨਾਲ ਵਚਨਬੱਧ ਹੈ।
ਸਮੱਗਰੀ ਸੰਚਾਲਕਾਂ ਦੀ ਸਾਡੀ ਅੰਦਰੂਨੀ ਟੀਮ ਜੋ ਸਾਡੇ ਪਲੇਟਫਾਰਮ ਨੂੰ ਸੁਰੱਖਿਅਤ ਰੱਖਣ ਲਈ ਸਿੱਧੇ ਤੌਰ 'ਤੇ ਕੰਮ ਕਰਦੀ ਹੈ, ਉਹਨਾਂ ਦੇ ਨਾਲ਼, ਅਸੀਂ ਉਦਯੋਗ ਮਾਹਰਾਂ ਅਤੇ ਗੈਰ-ਸਰਕਾਰੀ ਸੰਸਥਾਵਾਂ ਨਾਲ ਕੰਮ ਕਰਦੇ ਹਾਂ ਜੋ ਲੋੜਵੰਦ Snapchatters ਨੂੰ ਸਰੋਤ ਅਤੇ ਸਹਾਇਤਾ ਦਿੰਦੀਆਂ ਹਨ।
ਸਾਡਾ ਭਰੋਸੇਮੰਦ ਫ਼ਲੈਗਰ ਪ੍ਰੋਗਰਾਮ ਗੈਰ-ਮੁਨਾਫ਼ਾ ਸੰਸਥਾਵਾਂ, ਗੈਰ-ਸਰਕਾਰੀ ਸੰਸਥਾਵਾਂ (ਐਨ.ਜੀ.ਓਜ਼), ਚੋਣਵੀਆਂ ਸਰਕਾਰੀ ਏਜੰਸੀਆਂ ਅਤੇ ਸੁਰੱਖਿਆ ਭਾਈਵਾਲਾਂ ਦੀ ਸਹਾਇਤਾ ਕਰਨ ਲਈ ਤਿਆਰ ਕੀਤਾ ਗਿਆ ਹੈ ਜੋ Snapchat ਭਾਈਚਾਰੇ ਨੂੰ ਸਹਿਯੋਗ ਦਿੰਦੇ ਹਨ ਅਤੇ ਸਾਡੀਆਂ ਭਾਈਚਾਰਕ ਸੇਧਾਂ ਦੀ ਉਲੰਘਣਾ ਕਰਨ ਵਾਲੀ ਸਮੱਗਰੀ ਦੀ ਰਿਪੋਰਟ ਕਰਦੇ ਹਨ।
ਸਾਡੇ ਸੁਰੱਖਿਆ ਸਲਾਹਕਾਰ ਬੋਰਡ ਦੇ ਮੈਂਬਰ Snapchat ਭਾਈਚਾਰੇ ਨੂੰ ਸੁਰੱਖਿਅਤ ਕਿਵੇਂ ਰੱਖਣਾ ਹੈ, ਉਸ ਬਾਰੇ ਸਿਖਲਾਈ, ਚੁਣੌਤੀ ਦਿੰਦੇ, ਮੁੱਦੇ ਚੁੱਕਦੇ ਅਤੇ Snap ਨੂੰ ਸਲਾਹ ਦਿੰਦੇ ਹਨ।
ਸਾਡੀਆਂ ਭਾਈਵਾਲੀਆਂ ਨਾਲ਼, ਅਸੀਂ ਉਨ੍ਹਾਂ ਸਰੋਤਾਂ ਨੂੰ ਬਣਾ ਸਕੇ ਹਾਂ ਜਿਵੇਂ ਕਿ ਇੱਥੇ ਤੁਹਾਡੇ ਲਈ, ਤਲਾਸ਼ ਵਿੱਚ ਵਿਉਂਤਿਆ ਭਾਗ ਜਿਸ ਵਿੱਚ ਸਥਾਨਕ ਸਰੋਤ ਅਤੇ ਪੇਸ਼ੇਵਰ ਗੈਰ-ਮੁਨਾਫਾ ਸੰਸਥਾਵਾਂ ਦੀ ਸਮੱਗਰੀ ਸ਼ਾਮਲ ਹੈ, ਜੋ ਉਸ ਵੇਲੇ ਦਿਸਦੇ ਹਨ ਜਦੋਂ ਲੋਕ ਮਾੜੇ ਸਮੇਂ ਅਤੇ ਪਰੇਸ਼ਾਨੀ ਵਿੱਚ ਹੋਣ ਨਾਲ ਜੁੜੇ ਸ਼ਬਦਾਂ ਨੂੰ ਲਿਖਦੇ ਹਨ, ਸੁਰੱਖਿਆ ਸਨੈਪਸ਼ਾਟ, ਸਾਡਾ ਡਿਜੀਟਲ ਸਾਖਰਤਾ ਪ੍ਰੋਗਰਾਮ, ਜਿਸਦਾ ਉਦੇਸ਼ Snapchatters ਨੂੰ ਡੇਟਾ ਪਰਦੇਦਾਰੀ, ਰੱਖਿਆ ਅਤੇ ਆਨਲਾਈਨ ਸੁਰੱਖਿਆ ਵਰਗੇ ਮੁੱਦਿਆਂ ਬਾਰੇ ਜਾਗਰੂਕ ਕਰਨਾ ਹੈ। ਸਾਡੇ ਤੰਦਰੁਸਤੀ ਸਰੋਤਾਂ ਬਾਰੇ ਹੋਰ ਜਾਣਕਾਰੀ ਲਈ, ਸਾਡੀ Snapchat ਤੰਦਰੁਸਤੀ ਸਰੋਤਾਂ ਲਈ ਤੁਰੰਤ-ਗਾਈਡ ਡਾਊਨਲੋਡ ਕਰੋ!
ਕਿਸ਼ੋਰ ਅਤੇ ਨੌਜਵਾਨ ਬਾਲਗ ਔਨਲਾਈਨ ਕਿਵੇਂ ਕੰਮ ਕਰ ਰਹੇ ਹਨ, ਇਸ ਬਾਰੇ ਅੰਦਰੂਨੀ-ਝਾਤ ਦੇਣ ਲਈ Snap ਨੇ ਨਵੀਂ ਪੀੜ੍ਹੀ ਦੀ ਡਿਜੀਟਲ ਤੰਦਰੁਸਤੀ ਬਾਰੇ ਖੋਜ ਕੀਤੀ। ਅਧਿਐਨ, ਜੋ ਕਿ ਚਾਰ ਦਹਾਕਿਆਂ ਤੋਂ ਵੱਧ ਵਿਅਕਤੀਗਤ ਤੰਦਰੁਸਤੀ ਖੋਜ ਨੂੰ ਦਰਸਾਉਂਦਾ ਹੈ, ਨੂੰ ਡਿਜੀਟਲ ਤੰਦਰੁਸਤੀ ਕ੍ਰਮ-ਸੂਚੀ (DWBI) ਤਿਆਰ ਕਰਨ ਲਈ ਔਨਲਾਈਨ ਵਾਤਾਵਰਣ ਲਈ ਅਨੁਕੂਲਿਤ ਕੀਤਾ ਗਿਆ ਸੀ, ਜੋ ਕਿ ਨਵੀਂ ਪੀੜ੍ਹੀ ਦੀ ਔਨਲਾਈਨ ਮਨੋਵਿਗਿਆਨਕ ਤੰਦਰੁਸਤੀ ਦਾ ਮਾਪ ਹੈ। 2022 ਵਿੱਚ, ਅਸੀਂ ਛੇ ਦੇਸ਼ਾਂ ਵਿੱਚ ਕਿਸ਼ੋਰਾਂ (13-17 ਸਾਲ ਦੀ ਉਮਰ), ਨੌਜਵਾਨ ਬਾਲਗਾਂ (18-24 ਸਾਲ) ਅਤੇ 13 ਤੋਂ 19 ਸਾਲ ਦੀ ਉਮਰ ਦੇ ਕਿਸ਼ੋਰਾਂ ਦੇ ਮਾਪਿਆਂ ਦਾ ਸਰਵੇਖਣ ਕੀਤਾ: ਆਸਟ੍ਰੇਲੀਆ, ਫਰਾਂਸ, ਜਰਮਨੀ, ਭਾਰਤ, ਯੂ.ਕੇ. ਅਤੇ ਸੰਯੁਕਤ ਰਾਜ ਅਮਰੀਕਾ। ਵੱਖ-ਵੱਖ ਔਨਲਾਈਨ ਜੋਖਮਾਂ ਦਾ ਸਾਹਮਣਾ ਕਰਨਾ ਅਤੇ, ਉਹਨਾਂ ਨਤੀਜਿਆਂ ਅਤੇ ਹੋਰ ਰਵੱਈਏ ਸੰਬੰਧੀ ਜਵਾਬਾਂ ਤੋਂ, ਹਰੇਕ ਦੇਸ਼ ਲਈ DWBI ਅਤੇ ਸਾਰੇ ਛੇ ਵਿੱਚ ਸੰਯੁਕਤ ਰੀਡਿੰਗ ਤਿਆਰ ਕੀਤੀ। ਛੇ ਭੂਗੋਲਿਕ ਖੇਤਰਾਂ ਲਈ 2022 ਦੀ ਡਿਜੀਟਲ ਤੰਦਰੁਸਤੀ ਕ੍ਰਮ-ਸੂਚੀ 62ਵੇਂ ਸਥਾਨ 'ਤੇ ਹੈ। ਡਿਜੀਟਲ ਤੰਦਰੁਸਤੀ ਕ੍ਰਮ-ਸੂਚੀ ਅਤੇ ਖੋਜ ਦੇ ਨਤੀਜਿਆਂ ਬਾਰੇ ਹੋਰ ਪੜ੍ਹਨ ਲਈ, ਕਿਰਪਾ ਕਰਕੇ ਸਾਡੇ DWBI ਪੰਨੇ 'ਤੇ ਜਾਓ।
