Mbizi

Mbizi (zebra in English) imhuka yemusango inozivikanwa namawururwi (kana kuti mitsetse) machena nematema. mhuka iyi iri mumhuri imwe ine: bhiza nembongoro. Iyo mbizi yazosiyana nana bhururu vayo pakuti haina kupfuyiwa. Mbizi dzinogara mumatanga ane mhuka 10-30 imwe nguva kudarika.

Mbizi nzvari dzinokasira kuyaruka pane mikono; nzvari inokwanisa kubereka mhuru yave nemakore matatu ekuzvarwa. Mikono inozotanga kutanda hadzi kana yave nemakore mashanu kana matanhatu (5-6). Nzvari dzinoberaka mhuru imwe kamwe pamwedzi gumi nemiviri (12); yoyamwisa kwegore rose. Mhuru yembizi inokwanisa kumira, kufamba, nekuyamwa nenguva diki mushure mekuzvarwa.

• VaLunda mbizi inonzi mbishi kana chimbishi. Baila vanoti chibizi (n. zebra) kureva mbizi.
• VaTaita vanoti foro (zebra) kureva mbizi. VaTsonga vanoti mangwa (n. zebra) kureva mbizi.
• VaGwere vanoti buwoolere kana kawoolere (n. stripes) vachireva mawururwi.
• MaZulu vanoti umshwa (Stripe as on zebra). Nsenga vanoti mangwa (n. a kind of zebra) kureva rudzi rwembizi.
• Mbukushu vanoti mbi (n. zebra) kureva mbizi. Mbukushu vanoti mumbi (n. herd of zebra) kureva danga rembizi.
• Bushong vanoti mbangala (n. zebra) kureva mbizi.