Johkaroggi

Johkaroggi lea dat báiki gokko eatnu dahje johka golgá. Johkarokkis lea bodni ja siiddut. Dábálaččat johkarokki siidu lea gáddi. Go boahtá ilá olu čáhci de johka dulvá nu ahte čáhci deavdá birrasiid, ovdamearkka dihte dan leagi gos johka lea. Muhtumin lea ilá ollu čáhci dan dihte go jiekŋa lea ovddas. Dat ii leat rievtti mielde dulvi, muhto báttasčáhci. Dalle lohket ahte johka báddá ja dat jiekŋa mii lea ovddas gohčoduvvo báttasin.