Roberto Bolognesi

A pustis de àere traballadu comente operaju finas a 40 annos, in su 1992 s'est laureadu in Limba e Literadura italiana in s'Universidade de Amsterdam, e in su 1998 at otènnidu su PhD in Teoria de sa Limba (Fonologia).^[2][3][1]

In su 1993 su NWO, su Cussìgiu de sas Chircas Olandesu, l'at mutidu pro fàghere una chirca in subra de sa fonologia de su sardu meridionale, chi ant publicadu cun su nùmene The Phonology of Campidanian Sardinian. A pustis de àere pigadu su PhD, at traballadu in antis comente post-doc e a pustis comente professore de linguìstica italiana in s'Universidade de Groningen. Pro medas annos est istadu chircadore assotziadu in s'Universidade de Amsterdam, e a pustis at insegnadu latinu in unu litzeu olandesu.^[1]

At publicadu e curadu istùdios iscientìficos medas in subra de sa limba sarda, siat pro su chi pertocat a sas chistiones fonològicas e linguìsticas ebbia (impreende, a esèmpiu, sa linguìstica computatzionale pro analizare sas diferèntzias intre sas variantes dialetales sardas e intre cussas e sa norma LSC)^[4] siat pro su chi pertocat a sa relatzione intre sa limba sarda e sas identidades de sos sardos.^[5][3] In prus, at fintzas curadu sa bortadura in italianu de Sardinian Syntax de Michael A. Jones.^[1]

In su 2001 at pigadu parte a sa prima cummissiones de espertos pro sa creatzione de una norma unitària pro sa limba sarda, chi at batidu a sa creatzione de sa Limba Sarda Unificada, paris a Eduardo Blasco Ferrer, Diegu Corràine, Ignazio Delogu, Antonietta Dettori, Giulio Paulis, Massimo Pittau, Antoninu Rubattu, Lenardu Sole, Heinz Jürgen Wolf, e Matteo Porru, e in su 2006 a sa de duas cummissione, chi at aprovadu sa Limba Sarda Comuna, paris a Giulio Angioni, Manlio Brigaglia, Michel Contini, Diegu Corràine, Giovanni Lupinu, Anna Oppo, Giulio Paulis, Maria Teresa Pinna Catte e Mario Puddu.^[6][1] De sa LSC at curadu fintzas s'istùdiu fonològicu de su 2007, publicadu in su 2013 dae sa domo editora Grafica del Parteolla^[4], e in su 2014 at publicadu una proposta de emendamentu de sa norma, ideadu cun sa punna de permìtere a totu is sardos de lèghere sa norma segundu sa pronùntzia issoro, impreende unas cantas règulas simpres de letura^[7].

In su 2015 at publicadu su primu romanzu suo, Tutto e niente, cun sa domo editora Condaghes.^[1]

• (EN) Roberto Bolognesi, The phonology of Campidanian Sardinian: a unitary account of a self-organizing structure, S'Aja, Holland Academic Graphics, 1998, ISBN 978-90-5569-043-5, OCLC 1277490508.
• (IT) Roberto Bolognesi, Una normalizzazione democratica della lingua sarda: norme per la convivenza pacifica delle varieta del sardo, Casteddu, Condaghes, 2002, ISBN 978-88-86229-63-0, OCLC 314872507.
• (IT) Roberto Bolognesi e Wilbert Heeringa, Sardegna fra tante lingue il contatto linguistico in Sardegna dal Medioevo a oggi (PDF), Casteddu, Condaghes, 2005, ISBN 978-88-7356-075-3, OCLC 971836134. URL consultadu su 4 santandria 2021 (archiviadu dae s'url originale s'11 freàrgiu 2014).
• (EN) Roberto Bolognesi, The phonology of Campidanian Sardinian: a unitary account of a self-organizing structure, Ilartzi, NOR, 2012, ISBN 978-88-97285-52-6, OCLC 955223027.
• (IT) Roberto Bolognesi, Le identità linguistiche dei sardi, Casteddu, Condaghes, 2013, ISBN 978-88-7356-225-2, OCLC 884928875.

• (IT) Roberto Bolognesi (a incuru de), La lingua sarda l'identità socioculturale della Sardegna nel prossimo millennio: Pro loco di Senorbì : atti del convegno di Quartu Sant'Elena, 9-10 maggio 1997, Cuartu Sant'Aleni, Condaghes, 1999, ISBN 978-88-86229-63-0, OCLC 496600546.
• Roberto Bolognesi (a incuru de), Le convergenze parallele: colmare il divario tra la linguistica accademica e la tutela delle lingue; atti del convegno di Santa Cristina di Paulilatino 6-8 dicembre, 2001, Paulle, Condaghes, 2007, ISBN 978-88-7356-093-7, OCLC 696810370.
• (IT) Roberto Bolognesi (a incuru de), La limba sarda comuna e le varietà tradizionali del sardo (PDF), Casteddu/Patiolla, Regione Autònoma de sa Sardigna/Grafica del Parteolla, 2013 [2007], ISBN 9788867910342. URL consultadu su 4 santandria 2021 (archiviadu dae s'url originale su 14 santandria 2021).

• (IT) Michael Allan Jones, Sintassi della lingua sarda: (Sardinian syntax), tradutzione de Roberto Bolognesi, Casteddu, Condaghes, 2003 [1993], ISBN 978-88-7356-029-6, OCLC 249930308.

• (IT) Roberto Bolognesi, Tutto e niente, Casteddu, Condaghes, 2015, ISBN 978-88-7356-253-5, OCLC 1045861692.

1. ↑ ^{1.0 1.1 1.2 1.3 1.4 1.5} Roberto Bolognesi, in SBS - Servìtzios Bibliogràficos Sardos. URL consultadu su 4 santandria 2021.
2. ↑ (IT) La Redazione, in SARDEGNAblogger. URL consultadu su 4 santandria 2021.
3. ↑ ^{3.0 3.1} (IT) Redazione, Aprile Libertario: Roberto Bolognesi presenta “Le identità linguistiche dei sardi”, in Mediterranea, 7 maju 2018. URL consultadu su 4 santandria 2021.
4. ↑ ^{4.0 4.1} (IT) Roberto Bolognesi (a incuru de), La limba sarda comuna e le varietà tradizionali del sardo (PDF), Casteddu/Patiolla, Regione Autònoma de sa Sardigna/Grafica del Parteolla, 2013 [2007], ISBN 9788867910342. URL consultadu su 4 santandria 2021 (archiviadu dae s'url originale su 14 santandria 2021).
5. ↑ (IT) Roberto Bolognesi, Le identità linguistiche dei sardi, Casteddu, Condaghes, 2013, ISBN 978-88-7356-225-2, OCLC 884928875.
6. ↑ (IT) Regione Autònoma de sa Sardigna, DELIBERAZIONE N.20/15 DEL 9.5.2005: Promozione e valorizzazione della cultura e della lingua della Sardegna. Indagine socio-linguistica sulla lingua sarda., 9 maju 2005.
7. ↑ (IT) "Sì alla lingua sarda standard, ma con questi emendamenti": un intervento di Roberto Bolognesi, in vitobiolchini, 23 làmpadas 2014. URL consultadu su 4 santandria 2021.