Marmidda

Su nùmene "Marmidda" acudit de sos ampros cùcuros tundos, assimigiantes prossimai a mammiddas (bie casteddu de Marmilla in Is Pratzas). Àtera ipòtesi est cudda segundu sa cale bista sa presèntzia de medas paules in sa zona, su paesàgiu podiat pàrrere pintiniadu de "milli mares".

Su territòriu de sa Marmidda andat torra a su miotzene e tando podet èssere cunsideradu geològicamente reghente postu a cumparàntzia cun su restu de Sardigna. Su paisàgiu est mescamente montigrosu e cumprendet sa Giara de Gèsturi, sa Giara de Siddi, sa Giara de Serri, su pranu de Genoni e su lutone de su Riu Mannu de Ìsili.

Sas fainas printzipales de sa zona sunt sa messaria e su turismu. Sos cultivos sunt prevalentemente de laores, ma est difùndidu fintzas su cultivu de sas faes.

Sa regione de sa Marmidda est istada populadaa fintzas dae sos tempos prus antigos comente testimòngiant sos numerosos monumentos de edade nuràgica presentes in sa zona.

De su perìodu cartaginesu abarrat sa fortilesa de Santu Antine a Geroni, mentras in edade romana ant tentu unu tzertu importu sos tzentros de Biora (atuale Serri) e Valentia (atuale Nuragus).

In su perìodu giuigale sa regione perteniat a su Regnu de Arbaree (curadorias de Marmidda e de Part'e Alenza) e a su Giuigadu de Càlaris (curadoria de Seurgus).

Regiones istòricas de sa Sardigna
Anglona · Barbàgia de Brevìe · Barbàgia de Ollollai · Barbàgia de Seulu · Barigadu · Baronia · Gaddura · Campidanu de Aristanis · Campidanu de Casteddu · Coros · Costera · Guilcer · Igresiente · Mandrolisai · Màrghine · Marmidda · Meilogu · Monreale · Monteacutu · Montiferru · Nurra · Ogiastra · Parteolla · Planàrgia · Chirra · Romàngia · Sarcidanu · Sarrabus-Gerrei · Sulcis · Tataresu · Trexenta