Agra

Agra (ⁱ/ˈɑːɡrə/; Hindi: आगरा Āgrā, Urdu: آگره‬‎), the umwhile caipital o Hindustan, is a ceety on the banks o the river Yamuna in the northren state o Uttar Pradesh, Indie. It is 363 kilometre (226 mi) wast o the state caipital, Lucknow, an 200 kilometre (124 mi) sooth o the naitional caipital New Delhi. Wi a population o 1,686,976 (2010 est.), it is ane o the maist populous ceeties in Uttar Pradesh an the 19t maist populous in Indie.^[2] Agra can refer tae the admeenistrative destrict an aw that haes its heidquairters in Agra ceety.

Agra आगरा
Metropolitan Ceety
The Taj Mahal in Agra
Eik-name(s):  Akbarabad
Agra
Coordinates: 27°11′24″N 78°00′36″E / 27.19000°N 78.01000°E / 27.19000; 78.01000
Kintra	Indie
State	Uttar Pradesh
Destrict	Agra
Area
• Metropolitan Ceety	1880.40 km2 (726.03 sq mi)
Elevation	171 m (561 ft)
Population  (2011)
• Metropolitan Ceety	1,746,467 [1]
• Rank	23
• Density	8,954/km2 (23,190/sq mi)
• Metro	1,727,275
Leids
• Offeecial	Hindi
Time zone	UTC+5:30 (IST)
PIN	282 X
Telephone code	91(562)
Website	agra.nic.in

The ceety is mentioned in the epic Mahābhārata, whaur it wis cried Agrevaṇa ("the border o the forest").^[3] Legend ascribes the foondin o the ceety tae Raja Badal Singh, a Sikarwar Rajput king (c. 1475), whose fort, Badalgarh, stuid on or near the steid o the present fort. Housomeivver, the 11t century Persie poet Mas'ūd Sa'd Salmān writes o a desperate assault on the fortress o Agra, then held bi the Shāhī King Jayapala, bi Sultan Mahmud o Ghazni.^[4] Sultan Sikandar Lodī wis the first tae muive his caipital frae Delhi tae Agra in 1506. He dee'd in 1517 an his son, Ibrāhīm Lodī, remained in pouer thare for nine mair years, feenally bein defeatit at the Battle o Panipat in 1526.^[5] Atween 1540 an 1556, Afghans, beginnin wi Sher Shah Suri, an Hindu King Hem Chandra Vikramaditya (cried Hemu an aw), ruled the aurie. It achievit fame as the caipital o the Mughal Empire frae 1556 tae 1658. It is a major tourist destination acause o its mony splendid Mughal-era biggins, maist notably the Tāj Mahal, Agra Fort an Fatehpūr Sikrī, aw three o which are UNESCO Warld Heritage Steids.