Provinge de Tarde

Provinge de Tarde provinge
(IT) Provincia di Taranto
Palazze d'u Governe, sede d'a Provinge.
Localizzazione
State	Itaglie
Reggione	Pugghie
Amministrazione
Capeluéche	Tarde
Presidente	Rinaldo Melucci (PD) da 'u 18 settèmmre 2022
Date de istituzione	1923
Territorie
Coordinate d'u capeluéche	40°28′N 17°14′E40°28′N, 17°14′E (Provinge de Tarde)
Superficie	2 467,35 km²
Crestiàne	556 975[1] (30-9-2022)
Denzetà	225,74 ab./km²
Comune	29 comune
Provinge 'nzeccate	Bari, Brinnese, Lecce, Matera
Otre 'mbormaziune
Cod. postale	74121-74122-74123, 74010-74028
Prefisse	099, 080
Fuse orarie	UTC+1
ISO 3166-2	IT-TA
Codece ISTAT	073
Targhe	TA
Cartografije
Posizione d'a provinge de Tarde jndr'à Pugghie.
Site istituzionale
Cange le date sus Uicchidate · Manuale

'A Provinge de Tarde ète na provinge d'a Pugghie meridionale de 556 975 crestiáne.

'A provinge de Tarde ète affacciate a sud sus a 'u Mar Jonio, e confine a ovest cu 'a provinge de Matera, a nord cu quedde de Bare, a est cu quedde de Brinnese, e a sud-est cu quedde de Lecce. 'A provinge jè ingluse parzialmende jndr'à reggione sciugrafeche d'u Salende.

Face parte d'u territorie provingiale pure 'u gruesse bacine idriche d'u Mar Piccele, sus a 'u quale se affacce 'a stesse cetate de Tarde.

Jè attraversate da 'a Via Appia, da 'a Strada Statale 106 Joniche e da l'Autostrada A14.

'A provinge de Tarde jè quase totte pianeggiande e pu reste collinare. Le pianure se sveluppane parallele a 'a coste joneche 'mbonde a cchiù o mene 15 chilometri verse 'u 'nderne, addò se 'nzippe 'u modeste altopiane calcarèe de le Murge, ca arrive 'mbonde a 550 metre d'u Monde Sarresso. Jndr'à zone oriendale d'a provinge le ondulazione morfologgeche sonde angore cchiù vasce, infatte le Murge Salendine non ge supranescene le 150 metre.

Pe approfondimende, 'ndruche 'a vôsce Storie d'a Pugghie.

'U 23 settemmre 1923, Tarde devende provinge pe gemmazzione da l'andiche reggione d'a Terra d'Otranto, cumme recanuscemende d'u 'mbortande ruole ca 'a cetate avere cuperte sie jndr'à l'epoche andiche ca jndr'à quedda moderne. 'Mbonde a 'u 1951 avenìe denominate Provinge d'u Ionio.

Cumme stemme da ausà se penzò a l'andiche embleme d'a cetate suggerite da Pirro, indervenute cumme alleate de le Tarandine jndr'à Uerre condre a Rome: 'nu scorpione cu ttre giglie effiggiate sus a 'u dorse, reggende 'a corone d'u Pringipate de Tarde 'mbrà le chele. 'U re de l'Epire infatte, osservanne 'a cetate da le alture ca 'a circonnane, avìe l'imbressione ca 'a conformazione urbane arrecurdave 'a figure de 'nu scorpione. Stu stemme avera fungere pure da deterrende psicologgeche: le nemice averena reputà le magno-grece pericolose cumme a 'nu scorpione.

Ha state accussì pe cchiù de 17 sechele, 'mbonde a quanne 'u scorpione ha state sostituite da 'nu stemme ca raffigurave 'n'omme coronate a cavadde de 'nu delfine, cu 'nu tridende jndr'à mane destre e cu 'nu scude decorate cu 'nu scorpione jndr'à mane sinistre.

Cchiù nnande, stu stemme ha state sostituite 'n'otra vote da 'n'otre raffigurande 'nu uagnone anude a cavadde de 'nu delfine, cu 'nu tridende jndr'à màne destre e cu 'u vrazze sinistre 'nturtigghiate jndr'à 'na "Clamide", 'u metalle de origgene greche ausate jndr'à le battagghie. Pure ca se trattave de 'n'immaggine ca se ispire a quedde raffigurate sus a le monete magno-greche d'u periode de massime splendore d'a cetate, l'idendità d'u uagnone non g'è chiare, purcé le fonde letterarie in merite sonde discorde: seconne Aristotele s'avera trattà de Taras, figghie d'u Dio Poseidone e d'a ninfe Satyria; seconne Pausania invece, s'avera trattà de Falanto, 'u funnatore d'a cetate ca seconne 'a tradizione avere state purtate in salve da 'nu delfine sus 'a terra ferme.

'U stemme cu 'u scoprione invece avenìe scacchiate cumme embleme d'a Provinge de Tarde e avenìe recanusciute ufficialmende 'u 24 febbrare 1927 cu decrete firmate da Vittorio Emanuele III e Benito Mussolini:
"D'argenge a 'u scorpione gnure, mise sus, carecate da ttre giglie d'ore e ca mandene cu le chele 'na corone a l'andiche, d'ore. 'U scude adda essere fregiate da 'a speciale corone da Provinge". Decrete reale de congessione in date 24 febbrare 1927, reggistrate a 'a Corte de le Conde 'u sciurne 11 marze 1927, Reg. 3 Fin., fogghie 347 e trascritte jndr'à 'u Libbre araldeche de le ente morale.

'U signifecate nuève non g'avere state cchiù de arme araldeche destinate a fà pigghià paure a l'avversarie, ma segne de 'na condinuità ideale de storie e civiltà.

L'esemblare cchiù andiche de quidde blasone stipate a Tarde jè d'u IV sechele.

Periode	Fatte storeche	Testimonianze e tracce jndr'à 'u territorie
Neoliteche	Esistenze de civiltà preistoreche	Insediaminde preistorece jndr'à le gravinde de Mazzafre, Avetrana, Latèrze e Statte
VIII sechele n.C.	Le Partheni ca avenèvane da Sparta fonnane 'a cetate de Tarde	Mure messapeche e otre reperte a Manduria, a testimonianze d'a popolazzione d'u poste ca iavetave 'u territorie tarandine apprime de le grecie
VI-III sechele n.C.	Tarde jè 'u cendre culturale d'a Magna Grecie	Colonne d'u Tembie doreche, necropoli, cinde murarie a Tarde. Sculture, correde funerarie, oreficerie, cerameche esposte jndr'à 'u Musèe Archeologgeche Nazionale de Tarde. Relitte de 'na nave greche e monolite ellenece a Marina de Maruggio, in località Capoccia.
II sechele n.C.-IV sechele	Tarde jè 'na provinge romane	Acquedotte romane, reste d'a Villa 'mberiale in località Saturo, sarcofage romane in località San Pitre in Bevagna, insediaminde romane a Castellaneta
V-IX sechele	Invasiune da vanne de le Bizandine, de le Goti, de le Longobbarde e de le Saracene	Insediaminde rupestre jndr'à 'u Borghe Andiche de Tarde e Mazzafre, Castellaneta, Làterze, Ginosa, Motele, Crispiano, Statte, Vurtàgghie.
X sechele	I Bizantini si insediano nuovamente nel territorio. Niceforo II Foca ricostruisce la città di Taranto	Chiese rupestri bizantine a Mottola, Massafra, Lizzano e Castellaneta
XI sechele	Tarde addevende 'nu Pringipate cu le Normanne	Basiliche paleocrestiane de San Catavete a Tarde
XII-XIV sechele	Dominazione de le Sveve, de le Angioine e de le Orsini	Torre costiere fortificate jndr'à le territorie de Vurtàgghie, Manduria, Maruggio, Pusane, Lizzane. Castidde de Mazzafre e Pusane
XV sechele	Dominazione de le Aragonise	Castelle Aragonese a Tarde. Castidde a Lizzane, Avetrana, Làterze, Ginosa e Roccaforzata
XVI-XVIII sechele	Invasiune da vanne de le frangise e de le Borboni	Architetture de scola barocche a de scole napuletane a Castellaneta, Mazzafre, Manduria, Avetrana, Martina Franghe. Le masserie cumme aziende agricole
XIX-XX sechele	Annessione a 'u Regne de le Doje Sicilie e a 'u Regne d'Itaglie. Nasce 'a Provinge d'u Ionio	Arsenale Militare Marittime e IV Cendre Siderurgeche a Tarde. Insediaminde industriale in provinge

Le prengepàle manifestaziune ca se fanne jndr'à provinge duranne l'anne sonde:

• S.Ciro medeche e martire, feste patronale a Vurtàgghie (31 scennare)
• Madonne de Lourdes, commemorazione releggiose a Pusane (11 febbrare)
• S.S. Madonne d'a Scale, feste patronale a Mazzafre (20 febbrare e prime dumeneche de masce)
• San Biaggie, feste patronale a Avetrana (28-29 febbrare)
• Passione de Gese Criste a Lizzano (Dumeneche de le Palme)
• Sumane Sande, a Tarde, Lizzano, Pusane e otre paise d'u tarandine (marze o abbrile)
• Carnevale de Mazzafre
• Fiera Pessima de Manduria
• Tavele de San Gesèppe a Lizzano e Fragagnano (18-19 marze)
• San Gesèppe, feste patronale a San Marzano de San Gesèppe (19 marze)
• Palie de Tarde (masce e luglie)
• San Frangische de Paola, feste d'u copatrone de Castellaneta (masce)
• San Catavete, feste patronale a Tarde (10 masce)
• San Pascale Baylon, feste a Lizzano (17 e 18 masce)
• Marije SS. Mater Domini, feste patronale a Làterze (20 masce)
• Madonne de le Grazie, feste patronale a Palascianidde (31 masce)
• Sagra de le Clemendine d'u Gurfe de Tarde a decemmre a Palasciane
• San Giuanne Battista, feste patronale a Sava (24 sciugne)
• Carnevale d'u fegatine de Crispiano (luglie)
• Mostre d'a Ceramica, Castelle Episcopio a Vurtàgghie, jndr'à 'u Quartiere de le ceramiche (luglie-settemmre)
• San Giuanne Battista e San Cristoforo, feste patronale a Maruggio (13-14 luglie)
• Sagra d'u Vine a Carusine (luglie)
• Festival d'a Valle d'Itria a Martina Franghe
• Sagra da Far'nèdd' de Castellaneta (aguste)
• Sant'Emidio, feste patronale a Leporano (4 aguste)
• San Caitane da Thiene, feste patronale a Lizzano (6-7-8 aguste)
• Sand'Andonie da Padova, feste patronale a Fragagnano (12-13 aguste)
• Agritur manifestazione enogastronomeche, culturale cu congerte e serate de pizziche, a Lizzano (metà aguste)
• San Rocco, feste patronale a Palasciane (16 aguste)
• Sagra d'u pane e de l'arroste de Làterze
• Settemmre fragagnanese, 'na serie de iniziative culturale a Fragagnano (prime metà de settemmre)
• San Gregorio Magno, feste patronale a Manduria (3 settemmre)
• San Trifone e Madonna de le Martire, feste patronale a Pusane (7 e 8 settemmre)
• Esaltazione d'a Sanda Croce, feste patronale a Monteiasi (14 settemmre)
• Convegne 'ndernazionale de studie sus 'a Magna Grecie a Tarde (ottommre)
• Vergine d'u SS. Rosario, feste patronale a Montemesola (7 ottommre) e a Statte (7-8 ottommre)
• Madonne d'a Stelle cu 'a tradizionale "Tagghiarijn" a Palasciane (sabbate d'a seconda sumane de ottommre)
• San Biaggie, feste patronale a Carusine (12-13 ottommre)
• San Martine e Sanda Comasia, feste patronale a Martina Franghe (11 novemmre)
• Feste d'u vine novelle a Manduria e Lizzano (11 novemmre)
• Madonne d'u Verde, Maruggio (21 novemmre)
• Sanda Cecilia, pettolate e manifestaziune varie a Lizzano (22 novemmre) e a Tarde
• Mostre d'u presepe, jndr'à 'u Castelle Episcopio a Vurtàgghie jndr'à 'u Quartiere de le cerameche (decemmre)
• Sagre d'u mandarine a Palasciane (decemmre)
• San Tommase Becket, feste patronale a Motole (29 decemmre)

Pe approfondimende, 'ndruche le vôsce Economije de Tarde e Economije d'a Pugghie.

'A provinge jè dedicate a l'agricolture, a 'a pesche e a l'industrie jndr'à le settore siderurgeche, chimeche, alimendare, tessile, d'u legne, d'u vitre e d'a cerameche.

Pò vandà quacche prodotte cu certificazione DOP e IGP:

• Uegghie Terre d'Otranto DOP
• Uegghie Terre Tarandine DOP
• Clemendine d'u Gurfe de Tarde IGP

eppure vine cu certificazione DOC:

• Vini DOC d'a provinged e Tarde

Da nnomenà pure l'economije legate a 'u turisme, ca jndr'à le località de Castellaneta Marina, Ginosa Marina e Chiatona da 'a vanne occidendale, e Pusane, Leporano, Lizzano e Cambemarine da 'a vanne oriendale, jè avviate belle belle.

Pe approfondimende, 'ndruche 'a vôsce Strade provingiale d'a provinge de Tarde.

'A provinge de Tarde jè attraversate da 'nu sachce de strade provingiale e strade statale. 'U capeluèche jè 'u punde de 'ngrocie 'mbrà le ttre maggiore arterie stradale d'a provinge:

• 'a strade statale 7 Via Appia, ca colleghe Tarde cu Brinnese sus a 'u versande oriendale e Matera sus a quidde occidendale;
• 'a strade statale 7 ter Salendine, ca aunisce 'u capeluèche cu Lecce, attraversanne 'nu sacche de cendre d'a provinge ioneche oriendale;
• 'a strade statale 100 de Gioia d'u Colle, ca colleghe Tarde cu Bari e ca se inneste jndr'à SS 7 a l'altezze de Mazzafre;
• 'a strade statale 106 Jonica, ca partenne da Tarde se sveluppe lunghe tutte 'a coste ioneche sud-occidendale;
• 'a Strade statale 106 dir Jonica, ca aunisce 'a SS 106 a l'altezza de Chiatona cu 'a SS 7 a l'altezza de Palasciane;
• 'a strade statale 172 de le Trulle, ca colleghe Tarde cu Casamassima attraversanne diverse cendre iavetate d'a Valle d'Itria.

Le linèe ferroviarie d'a provinge sonde cinghe. Tre tratte sonde gestite da RFI (de le quale doje fondamendale e une comblemendare) e doje da le Ferrovie d'u Sud Est:

• 'a linèe Bare-Tarde via Gioia d'u Colle (RFI);
• 'a linèe Tarde-Brinnese (RFI);
• 'a linèe Tarde-Reggio Calavrie (RFI).
• 'a linèe Martina Franghe-Lecce (FSE);
• 'a linèe Bare-Tarde via Martina Franghe (FSE);

Jndr'à zone industrale de Tarde, stè pure 'nu raccorde ferroviarie sus a 'u quale passane sulamende convoglie merce, 'u quale aunisce 'a tratte ioneche (apprime d'u P.M. Cagiune) cu quedde ca porte a Bari (apprime d'a stazione Bellavista).

'A stazione ferroviarie prengepàle d'a provinge jè quedde de Tarde, collegamende e baricendre de le prengepàle direttrice; jè pure l'uneche d'a provinge addò se pò effettuà 'n'interscambie 'mbrà le Ferrovie d'u Sud Est e le Ferrovie d'u State.

'A stazione de Martina Franghe jè 'n'imbortande node de scambie de le FSE 'mbrà le linèe Martina Franghe-Lecce e Bare-Tarde.

Pe approfondimende, 'ndruche 'a vôsce Puèrte de Tarde.

'U puèrte prengepàle d'a provinge jè quidde de Tarde: militare, mercandile, pescherecce e turisteche.

'U puèrte mercandile de Tarde jè seconde in Itaglie pe traffeche de merce^[2].

L'installazione cchiù recende jè costituire da 'u terminal container ca se iacchie sus a 'u mole polisettoriale, 'na strutture modernisseme comblete de sisteme telemateche e torre de condrolle, cu 'na capacità de stoccagge e movimendazione merce de cchiù o mene 2.000.000 de TEU/anno^[3].

L'uneche otre puèrte turisteche d'a provinge jè quidde de Cambemarine.

Pe approfondimende, 'ndruche 'a vôsce Aeropuèrte de Tarde-Vurtàgghie.

L'aeropuèrte de Tarde "Marcello Arlotta" osce a die non ge face collegaminde passeggere (pure ca in passate le faceve), ma è ausate cumme scale merce e a ause militare (da vanne d'a Marine Militare Tagliàne).

Le aeropuèrte civile cu scale passeggire cchiù vecine a 'a provinge sonde doje:

• l'aeropuèrte de Bare ("Karol Wojtyla");
• l'aeropuèrte de Brinnese ("Papola Casale").

'Nu servizie navette permette 'u collegamende d'u capeluèche ioneche (da 'u terminale autobus d'u puèrte mercandile) cu le doje aeropuèrte.

'A strutture jè gestite da 'a Aeropuèrte de Pugghie S.p.A.^[4], e jè parte d'u sisteme aeroportuale pugghiese cu le scale "Karol Wojtyla" de Bare, "Gino Lisa" de Fogge e "Antonio Papola" (o "Aeroporto d'u Salende") de Brinnese.

'U territorije ioneche jè amministrate pure da ente sovraccomunale cumme le comunitate mundanare, soppresse jndr'à 'u 2009 e le ente parche:

Pos.	Comune de	Crestiáne (ab)	Grannenèzze (km²)	Denzetà (ab/km²)	Altitudine (m s.l.m.)
1°	Tarde	194.021	209,64	925	15
2°	Martina Franghe	49.525	295,49	168	431
3°	Vurtàgghie	32.835	101,63	323	130
4°	Mazzafre	32.007	125,62	255	110
5°	Manduria	31.753	178,06	178	79

• Avetrana
• Carusine
• Faggiano
• Fragagnano
• Vurtàgghie
• Leporano
• Lizzano
• Manduria
• Maruggio
• Monteiasi
• Monteparano
• Pusane
• Roccaforzata
• San Giorgie Ioniche
• San Marzano de San Gesèppe
• Sava
• Tarde
• Torricella

• Gravine de Ginosa
• Gravina de Castellaneta
• Gravina de Latèrze
• Parche de le Gravine de l'area joneche
• Dune de Cambemarine
• Fiume Chidro
• Fiume Galeso
• Fiume Lato
• Riserve naturale Stornara
• Salina Monaci de Torre Colimena
• Oasi Palude La Vela
• Riserve naturale Murge Oriendale
• Palude d'u Conte
• Fiume Borraco
• Palude Mascia
• Riserve Naturale d'u Bosche de le Pianelle

• Duomo de San Catavete a Tarde
• San Dumeneche Maggiore a Tarde
• Concattedrale a Tarde
• Castelle Aragonese a Tarde
• Chiesere Madre a Manduria
• Palazze 'Mberiale a Manduria
• Chiesere Madre a Avetrana
• Castelle a Avetrana
• Castelle a Torricella
• Castelle de Falconibus a Pusane
• Castelle Muscettola a Leporano
• Chiesere Madre a Maruggio
• Convende a Maruggio
• Palazze de le Commendature a Maruggio
• Chiesere Madre a Sava
• Chiesere de San Frangische a Sava
• Palazze Baronale a Sava
• Chiesere de San Dumeneche a Castellaneta
• Chiesere Madre a Vurtàgghie
• Castelle Episcopio a Vurtàgghie
• Castelle a Mazzafre
• Chiesere Madre a Motele
• Chiesere Madre a Fragagnano
• Chiesere Madre a San Giorgie Ioniche
• Castelle d'Ayala a San Giorgie Ioniche
• Castelle d'Ayala a Monteparano
• Castelle de Ginosa
• Castelle a Palascianidde
• Palazze Marchesale a Lizzano
• Villagge rupestre a Palascianidde
• Habitat rupestre a Motele
• Basilica de San Martino a Martina Franghe
• Trulle d'a Valle d'Itria
• Trulle salendine
• Torre costiere
• Palazze Ducale a Martina Franghe

• 
  Castellaneta
  Gravina Granne e cendre storeche
• 
  Castellaneta
  Gravina Granne
• 
  Castellaneta
  chiesere de San Dumeneche
• 
  Castellaneta
  Insediaminde rupestre
• 
  Castellaneta Marina
  Mare e dune
• 
  Marina de Pusane
  Montedarena
• 
  Marine de Lizzane
• 
  Marine de Lizzane
• 
  Marine de Lizzane
• 
  Marine de Lizzane
• 
  Truddu, costruzione salendine a Lizzane

1. ↑ (IT) Bilancio demografico mensile anno 2022 (dati provvisori), su demo.istat.it, ISTAT.
2. ↑ Porti, Taranto sorpassa Trieste, in L'Espresso, 1º febbraio 2007. URL conzultate il 29-04-2009.
3. ↑ (EN) Taranto Container Terminal - Investing for the Future, su tct-it.com. URL conzultate il 29-04-2009.
4. ↑ Site ufficiale d'a AdP, su aeroportidipuglia.it. URL conzultate il 04-08-2011.

• Dialètte tarandine

• Uicchimedie Commons tène files multimediale sus Provinge de Tarde

• Site d'u Corriere del Giorno, sciurnale d'a cetate da 'u 1947
• Site istituzionale d'a Provinge de Tarde
• 'U site d'u Granne Salènde
• Cendre culturale Filonide Tarde
• Quindicinale de 'mbormazione d'a Provinge de Tarde
• Fondazione Michelagnoli - 'A provinge de Tarde: scienze mare coste (pdf 1,00 MB)
• Fondazione Michelagnoli - Le dune jndr'à provinge de Tarde (pdf 3,70 MB)
• Fondazione Michelagnoli - 'A posidonia jndr'à le mare d'a provinge de Tarde (pdf 1,00 MB)

V · 'N · C Comune d'a provinge de Tarde
Avetrane · Carusine · Castellaneta · Crispiano · Faggiano · Fragagnane · Genòse · Latèrze · Leporano · Lizzane · Mandurie · Martina Franghe · Marugge · Mazzafre · Mondemesola · Mondeparane · Motele · Mundejase · Palasciane · Palascianidde · Pusane · Roccaforzate · San Giorgie Ioniche · San Marzano de San Gesèppe · Sava · Stàtte · Tarde · Torricelle · Vurtàgghie
Comune d'a Pugghie

	Itaglie - Provinge d'a Pugghie
Bari • Barletta-Andria-Trani • Brinnese • Fogge • Lecce • Tarde

V · 'N · C Provinge d'Itaglie
Nord ovest	Valle d'Aosta Aosta * Piemonte Alessandria · Asti · Biella · Cuneo · Novara · Torino · Verbano-Cusio-Ossola · Vercelli Liguria Genova · Imperia · Savona · La Spezia Lombardia Bérgame · Brescia · Como · Cremona · Lecco · Lodi · Mantova · Meláne · Monza e Brianza · Pavia · Sondrio · Varese
Nord est	Trendine-Ìrte Adige Bolzano · Trende Veneto Belluno · Padova · Rovigo · Treviso · Venezia · Verona · Viscenze Friuli-Venezia Giulia Gorizia · Pordenone · Trieste · Udine Emilia-Romagna Bologne · Ferrara · Forlì-Cesena · Modena · Parma · Piacenze · Ravenna · Reggio Emilia · Rimini
Cendre	Toscana Arezzo · Firenze · Grosseto · Livorno · Lucca · Massa e Carrara · Pisa · Pistoia · Prato · Siena Marche Angone · Ascoli Piceno · Fermo · Macerata · Pesaro e Urbino Umbrie Perugge · Terni Lazie Frosinone · Latina · Rieti · Rome · Viterbo
Sud	Abbruzze L'Aquila · Chieti · Pescara · Teramo Molise Cambevasce · Isernia Pugghie Bari · Barletta-Andria-Trani · Brinnese · Fogge · Lecce · Tarde Campania Avellino · Benevende · Caserta · Napule · Salerno Basilicata Matera · Putènze Calavrie Catanzaro · Cosenza · Crotone · Reggio Calavrie · Vibo Valentia
Isole	Sardegna Cagliari · Carbonia-Iglesias · Medio Campidano · Nuoro · Ogliastra · Olbia-Tempio · Oristano · Sassari Sicilia Agrigento · Caltanissetta · Catania · Enna · Messina · Palermo · Ragusa · Siracusa · Trapani
* 'a Valle D'Aosta non g'è suddivise in provinge, le funziune provingiale avenene fatte da 'a reggione