Mappe de Soleto

Sta vôsce jè parte d'a serie Storie d'a Pugghie

Vôsce prengepàle Apulia Iapigia Iapigi Dauni Peuceti Messapi Lènga messapeche Muro Tenente Magna Grecia Regio II Apulia et Calabria Apulia et Calabria Egnazia Capitanata Terre de Bare Terre d'Otrande Pringipate de Tarde Storie d'u Gargane Storie d'u Salende Mappe de Soleto Battagghie de Canne Disfide de Barlette Battagghie de Troia Battagghie de Ruvo Battagghie de Cerignola Battagghie de Bitonto Nuttate de Tarde Fusciamende de Vittorio Emanuele III Storie de le cetate Storie de Bare Storie de Barlette Storie de Brinnese Storie de Ceglie Messapeche Storie de Cerignola Storie de Corigliane d'Otrande Storie de Fasane Storie de Fogge Storie de Frangaville Fondane Storie de Sciòje d'u Colle Storie de Lecce Storie de Lucera Storie de Modugno Storie de Monopoli Storie de Nardò Storie de Orie Storie de Ruvo de Pugghie Storie de San Severo Storie de San Vito de le Normanne Storie de Soleto Storie de Tarde Categorije: Storie d'a Pugghie

Questo box: vedi • disc. • mod.

'A Mappe de Soleto jè 'a cchiù andica mappe sciugrafeche occidendale ca avène da l'andichità classeche.

Se tratte de 'nu stuezze de 'nu vase attiche smaltate de gnure, 'nu ostrakon ca tène dimenziune de appene 5,9 cm pe 2,9 cm e sus a 'u quale jè ingise 'a linèe costiere d'a penisole salendine inzieme a doje toponeme grece e undece toponeme indiggene, addò le posiziune sonde indicate da de le punde. Se recanoscene le nnome de Tarde scritte in greche (Τάρας, Taras) e de Otranto, Nardò, Ugento, Soleto e Leuca scritte in messapiche, eppò a le late sonde indicate jndr'à 'nu mode schemateche 'u Mare Ionio e 'u Mare Adriatiche ca tènene cumme sione 'nu sigma a quattre trattte.

L'oggette ha state scuperte a l'inderne de 'nu granne edificie messapiche 'u 21 agoste 2003 a Soleto (LE) da l'archeologhe d'u Bèlge Thierry van Compernolle, de l'Università de Montepellier in Frange, durande le scave archeologgiche e testimonie le relaziune esistende 'mbrà le Iapige, le Messapi e le Grice jndr'à 'u V sechele n.C., ca no sembre onne state approfunnite da 'a predominande tradiziona letterarie greche-romane.

Da l'analise epigrafeche e da l'aspette alfabbeteche de le toponeme trascritte sus a l'ostrakon, s'à stabbelite cumme l'abbreviazzione d'u toponeme "Graza" (ca pò essere Gallipoli) non g'è alfabbete greche ma, jè 'n'otre alfabbete greche arcaiche de tipe russe^[1] ca ere ausate a Tarde. Le studiuse Carlo De Simone e Mario Lombardo, dicene 'nfatte ca sulamende 'u toponeme "Taras" jè scritte in alfabbete greche. Rrete a sta scuperte allore, se sconne 'a date de quedda ca ha state certamende 'a prima parlate tarandìne cu tutte le peculiaretà linguisteche sue, cioè chidde de tipe lessicale, morfologgiche, foneteche e de indonazione.

'A mappe demostre pure cumme le andiche Grece erene assaije inderessate a 'a rappresendazione de aree avveramende esistende apprime angore de le Romane e, allore 'a scuperte ripropone a le storeche 'u probbleme de reconziderà le inizie de l'andica cartografije. 'Nfatte 'a maggior parte de le mappe classeche esistende sonde romane e sonde datate apprisse a nascite de Criste.

1. ↑ Cu le culure verde, azzurre e russe, se distinguescene le reggione d'a Grecie arcaica a seconde d'u tipe de l'alfabbete ausate: cu 'u verde se indichescene le reggione addò le alfabbete sonde senza signe comblemendare, cu l'azzurre le reggione d'u gruppe oriendale, cu 'u russe le reggione d'u gruppe occidendale.

• Lènga greche
• Soleto

• Uicchimedie Commons tène files multimediale sus Mappe de Soleto

• Le sisteme de scritture jndr'à Grecie