Erchie

Erchie comune
Erchie – Stemme Erchie – Bandiera
Localizzazione
State	Itaglie
Reggione	Pugghie
Provinge	Brinnese
Amministrazione
Sinnache	Margheriti Andonije Geseppe Salvatore(sospese in base a 'a legge Severino) (liste civiche) da 'u 1-6-2015
Territorie
Coordinate	40°26′N 17°44′E40°26′N, 17°44′E (Erchie)
Altitudine	68 m s.l.m.
Superficie	44,63 km²
Crestiàne	8 720[1] (31-7-2017)
Denzetà	195,38 ab./km²
Comune 'nzeccate	Avetrane (TA), Mandurie (TA), Orie, San Pangrazie Salendine, Torre Sanda Susanne
Otre 'mbormaziune
Cod. postale	72020
Prefisse	0831
Fuse orarie	UTC+1
Codece ISTAT	074006
Cod. catastale	D422
Targhe	BR
Cl. sismiche	zone 4 (sismicità assaije vasce)[2]
Nome javetande	erchiarule
Patrone	Sanda Irene
Sciurne festive	5 sciugne
Cartografije
Erchie Erchie
Posizione d'u comune de Erchie jndr'à provinge de Brinnese
Site istituzionale
Cange le date sus Uicchidate · Manuale

Erchie (Erchi jndr'à 'u dialette salendine) jè 'nu comune tagliàne de 8 720 crestiane ^[3] d'a Provinge de Brinnese jndr'à Pugghie.

'U comune de Erchie se iacchie jndr'à 'u Salende jndr'à 'na posizione particolare (cendre-settendrionale), se iacchie 'nfatte a 'u confine de le tre provinge salendine de Brinnese, de Tarde e de Lecce jndr'à 'u core culturale de sta subreggione. E stu fatte se sende soprattutte jndr'à 'u dialette particolare probbie de stu comune, ca certe vote pare ca s'assemegghie a 'u leccese ma cu 'na forte 'mbostazione brinnesine.

Erchie se iacchie sus a 'na pianure de l'endroterre brinnesine, a 68 metre sus a 'u levèlle d'u mare.

• Classificazione sismiche:^[4] zone 4 (sismicità irrilevande), Ordinanze PCM n. 3274 d'u 20/03/2003
• Diffusività atmosfereche: medie, Ibimet CNR 2002

Erchie, addò 'u territorije sue ave restituite 'nu sbuènne de reperte ca resalene a 'u neoliteche, pò essere state 'nu cendre releggiose, legate a 'nu luéche de culte d'u Die Ercole, da 'u quale pare ca ave pigghiate 'u nome de Hercolanum (o Heracle). Apprisse 'a conguiste de romane, perdìe de 'mbortanze pa vicinanze cu Mandurium (Mandurie) e soprattutte de Tarentum (Tarde). Jndr'à 'u I sechele a.C. iesse cu 'u nome de Hercle.

Atturne a 'u X sechele de le monace basigliane crearene 'u sanduarije de Sanda Lucie sus a 'n'andiche luéche de culte messapeche ca s'acchiave jndr'à 'na grotte. A le monace basigliane se deje 'u merite ca onne purtate 'u culte de Sanda Irene, osce a die patrone d'a cetate.

'Mbrà 'u XIII e 'u XIV sechele 'a popolazziona soje condinuave a scennere: jndr'à 'u 1377 sonne attestate a 'na vendine de crestiane e cchiù ca 'nu cendre javetate pareve 'nu casale rurale. 'U toponime d'u paese jndr'à stu tiembe ha state cangiate da Hercle a Herchie.

'U repopolamende d'u borghe accumenzò jndr'à 'u XVI sechele cu l'arrive de albanise ca fuscevane da le turche, ma sulamende apprisse a 'u Seiciende 'u numere de le crestiane accumenzò a 'nghianà assaije probbie.

Passò cumme feude da le Montefuscoli, ca recostruirene 'u cendre apprisse le 'ngursiune sarracine, a le Mairo, a le Bonifacio, a le Albrizzi e a le Laviano ca jndr'à 'u XVIII sechele facerene costruì 'u palazze ducale.

Jndr'à 'u 1754^[5] 'a popolazzione cundave 'nu picche de mene de mille crestiane, de le quale 233 s'acchiavane sus a tutte 'u territorie rurale (forese). Osce a die 'a popolazzione jè cchiù o mene de 9.000 crestiane.

'U stemme

Descrizione araldeche d'u stemme: 'Na fasce superiore orizzondale de culore russe e da doje cambe verticale devise jndr'à 'u 'mmienze. Jndr'à vanne sinistre ste Ercole ca avvrazze doje stuézze de 'na culonne spezzate e jndr'à quedda destre 'nu calice achiuse da 'na teche ca porte doje uecchie umane. Le cambe ditte apprime sò de culore celeste, op. cit., Comuni-Italiani.it

• Grotte d'u Presbitere o d'u Padreterne (monumende messapeche) strutture megalitiche de origgene messapeche
• Contrade Specchie Carcarone addò ha state acchiate materiale d'u neoliteche e romane
• Grotte de l'Annunziate ccrejate probbabbilmende da le monace Basigliane, addò stonne tracce de affresche bizzandine
• Chiesere Madre, dedicate a 'a Natività d'a Vergine Marije, avenìe 'nzippate cchiù o mene quanne avere spicciate 'u XVIII sechele, 'a prime a essere 'nzippate
• Sanduarije de Sanda Lucie funnate da le fedele d'a sande, ospite jndr'à 'u piane sotte terre 'na fonde addò se bse 'nu mite sus a de le monace ca ste purtavane 'u cuèrpe d'a sande a Siracuse
• Chiesere de San Necole, affianghe 'a Chiesere Madre
• Chiesere d'u Sandissime Salvatore, 'nzippate atturne 'a metà de le anne settande d'u Noveciende
• Culonne de Sanda Irene e de Sanda Lucie (XVIII sechele)
• Monumende d'u Calvarie
• Palazze Ducale de Erchie de le Laviano, 'nzippate jndr'à seconda metà d'u Setteciende
• Monumede a le Cadute
• Reste d'u Convende de le Frate minore d'u 1430, arcate e culonne monumendale ca se iacchiane jndr'à vie G. Grassi

Crestiane censite^[6]

A 'u 31 decemmre 2014 jndr'à 'u territorie comunale se reggistrave 'a presenze de 44^[7] furastire regolare (14 maschele e 30 femmene) ca sò cchiù o mene 'u 0,5% d'a popolazzione totale residende.

'A releggione cchiù diffuse a Erchie jè 'u cattolicesime. 'A comunitate releggiose jè suddivise jndr'à ttre parrocchie: Natività de Marije Vergine (presse 'a Chiesere Madre), Sanduarije de Sanda Lucie e 'u Sandissime Salvatore.

• Feste de San Geseppe (19 marze): jndr'à 'u sciurne de San Geseppe avenene allestite, atturne 'a chiazze e lunghe le strade ca portane a 'u Sanduarije de Sanda Lucie, addò se iacchie 'a statue d'u Sande, tavule apparecchiate cu piatte locale (cumme le famose Tavule de San Geseppe). Sta cose avène indicate cu 'u nome dialettale de "Mattra" (jndr'à 'u dialette locale, ca indiche 'na casce de legne de forme rettangolare addò se 'mbastave 'a farine pe preparà 'u pane fatte jndr'à case: jndr'à feste addevende 'u simbole de prosperità e abbunnanze. 'Mbrà le andiche 'u pranze avenève offerte, pe devozione a 'u Sande, da le nobbile e da le benestande d'u paese a le cchiù puveridde; angore osce a die le erchiolane mandenene vive sta tradizione, facenne arrete, ogne anne, quidde ca facevane le andiche. Jndr'à Mattra, 'u piatte fondamendale ere 'a "Tria" (paste tipe le tagliatelle); ma sus a 'u banghe stavane pure 'u pesce affrezzelate, le cavulefiure, le lambasciune e 'u baccalà. Invece de le doce, ca a l'epoche custavane assaije probbie, avenéve servite 'a paste cu 'u miele e pe spiccià 'a frutta secche (noce, amennule, noccioline).
• Feste de Sanda Irene : 'u 5 sciugne de ogne anne, da 'u XVIII sechele, avène festeggiate a Erchie, Sanda Irene, sanda patrone d'u pajesere. 'A leggende dice ca jndr'à 'u 1897, a le 3 d'u pomerigge, arrevò sus a Orie 'nu ciclone forte assaije ca, a parte ca avere scuasciate quase tutte 'u pajesere, facìe cchiù o mene 70 muèrte e 400 ferite. A quedda stessa ore, 'nu condadine de Erchie mendre ca ste sceve jndr'à cambagna soje, 'ndrucò 'u ciele ca se ste faceve brutte brutte e ca 'u fortunale se ste avvicinave sembre cchiù pericolosamende a Erchie. De colpe 'u condadine 'ndrucò jndr'à 'u ciele Sanda Irene ca, cercunnate da nuvole, cu le vrazze apirte fermave 'a tembeste cumme jndr'à 'n'avvrazze, recacciannele lundane da Erchie e accussì salvò 'u pajesere da 'nu disastre secure secure.

Erchie ha sembre state 'nu cendre agricole e tabbacchiere. 'Mbortande assaije, cumme jndr'à tutte 'u Salende, 'a produzione de uegghie de alìe e diverse qualitate de vine 'mbrà le quale 'u Primitive de Mandurie, 'u Negramare e 'u Malvasia.

'U comune avène servite da 'a strade provingiale 63 (SP 63) pe Torre Sanda Susanne eppure da le strade provingiale 61 (SP 61) verse Orie e 64 (SP 64) verse 'u tratte Mandurie - San Pangrazie Salendine d'a Strade Statale 7 ter Salendine.

'A stazione d'a ferrovie de Erchie - Torre Sanda Susanne, ca se iacchie lunghe 'a linèe Martina Franghe - Lecce servite da le Ferrovie d'u Sud-Est, se iacchie a 3 km a sud d'u javetate.

Aqquà sotte se iacche 'na tabbelle relative a le amministrazziune ca onne cangiate jndr'à stu comune:

Periode		Prime cetadine	Partite	Careche	Note
8 decemmre 1988	11 aguste 1990	Andonije Sorio	Democrazia Cristiana	Sinnache	[8]
11 aguste 1990	13 scennare 1992	Andonije Sorio	Democrazia Cristiana	Sinnache	[8]
13 scennare 1992	7 luglie 1993	Gennare Antonio Caputi	Partito Socialista Italiano	Sinnache	[8]
7 luglie 1993	23 novemmre 1993	Clare Minerva		Comm. pref.	[8]
23 novemmre 1993	25 scennare 1995	Marije Conversano	-	Sinnache	[8]
10 febbrare 1995	24 abbrile 1995	Alessandre Ghezzani		Comm. pref.	[8]
24 abbrile 1995	6 abbrile 1996	Vecinze Ciccarese	cendre-sinistre	Sinnache	[8]
6 abbrile 1996	18 novemmre 1996	Alessandre Ghezzani		Comm. pref.	[8]
18 novemmre 1996	14 masce 2001	Lino Massimo Prima	Polo per le Libertà	Sinnache	[8]
14 masce 2001	24 scennare 2002	Dumineche Mancini	cendre-sinistre	Sinnache	[8]
24 scennare 2002	28 masce 2002	Guido Aprea		Comm. straordinario	[8]
28 masce 2002	29 masce 2007	Lino Massimo Prima	Casa delle Libertà	Sinnache	[8]
29 masce 2007	8 masce 2012	Gesèppe Andonije Sal Margheriti	Casa delle Libertà	Sinnache	[8]
8 masce 2012	28 ottommre 2014	Gesèppe Andonije Sal Margheriti	liste civiche: patto per erchie	Sinnache	[8]
28 ottommre 2014	1º sciugne 2015	Mechele Albertini		Comm. straordinario	[8]
1º sciugne 2015	in cariche	Gesèppe Andonije Sal Margheriti		Sinnache	[8]

• Siracuse, da 'u 2009^[9]

A Erchie stonne 'nu sacche de suggettate sportive ca partecipane jndr'à le cambionate provingiale e reggionale; stonne quattre associaziune de ballone e une de pallavvole.

• 'A A.S.D. Pallavolo Erchie 95: suggettate de pallavvole ca scioche jndr'à 'u cambionate provingiale e reggionale.
• 'A Gioventù Erchie: suggettate de ballone ca scioche jndr'à 'u cambionate reggionale jndr'à le categorije Allievi e Giovanissimi.
• 'A A.C. Real Erchie: suggetate de ballone ca scioche jndr'ò le cambioante provingiale.
• 'A A.C. Margheriti Erchie: suggettate de ballone ca scioche jndr'à 'u cambionate provingiale.
• 'A Leonessa Erchie: suggettate de ballone ca scioche jndr'à 'u cambionate de Prime Categorije (pugghiese) jndr'à 'u Girone C.

1. ↑ Dato Istat - Popolazzione residende a 'u 31 luglie 2017.
2. ↑ (IT) Classificazione sismica (XLS), su rischi.protezionecivile.gov.it.
3. ↑ Cite errore: Tag <ref> invalide; nisciune teste ha state date pe le referimende nnomenate template divisione amministrativa-abitanti
4. ↑ Classificazione sismiche de le comune tagliàne (a cure d'a Protezzione Civile) (PDF), su protezionecivile.it. URL conzultate il 25 sciugne 2009.
5. ↑ Cataste onciarie de Carle III
6. ↑ Statisteche I.Stat - ISTAT;  URL onsultate in date 28-12-2012.
7. ↑ demo.istat.it, http://demo.istat.it/str2014/index.html Titolo mancante per url url (aiuto).
8. ↑ ^{8,00 8,01 8,02 8,03 8,04 8,05 8,06 8,07 8,08 8,09 8,10 8,11 8,12 8,13 8,14 8,15} http://amministratori.interno.it/
9. ↑ In virtù d'u gemellagge, jndr'à l'abbrile 2009 'u sanduarije ercolane de Sanda Lucie ave ospitate 'na reliquie d'a sande siracusane.

• Strade provingiale d'a Provinge de Brinnese
• Dialette brinnesine

• Uicchiquote tène citazioni de oppure sus Indovinelle ercolane
• Uicchizionarie tène il lemma di dizionario «Erchie»
• Uicchimedie Commons tène files multimediale sus Erchie

• Uicchiquote tène citazioni de oppure sus Muttete ercolane
• Uicchimedie Commons tène files multimediale sus Erchie

• Uicchiquote tène citazioni de oppure sus Scioglilenghe ercolane
• Uicchimedie Commons tène files multimediale sus Erchie

• Portale istituzionale d'u Comune de Erchie, su comune.erchie.br.it.
• Portale sus a 'u Comune de Erchie jndr'à Provinge de Brinnese. Nuvetate, articole, sport, immaggine, fote, rubbriche, cronache, politeche sus a Erchie., su erchie.net.
• Le Luèche de Sanda Lucie - Site Ufficiale, curate da 'u Comune de Erchie, dedicate a le avveneminde civile e releggiose in onore de Sanda Lucie jndr'à le luèche sue., su iluoghidisantalucia.it.
• Descrizione e immaggine de Erchie (sus a Brindisiweb.com), su brindisiweb.com.
• Erchie sus a Brindisinet, su brindisinet.com.
• Erchie sus a Comuni Italiani

V · 'N · C Salènde
Territorie	Provinge de Brinnese · Provinge de Lecce · Provinge de Tarde
Storie d'u Salènde	Messapi · Lingua messapica · Muro Tenente · Castello d'Alceste · Regio II Apulia et Calabria · Terra d'Otranto · Mappa di Soleto · Via Augusta Sallentina
Enogastronomije	Municeḍḍe · Scapece gallipolina · pupiḍḍi · Gnummareddi · Frisella · Sceblasti · Puccia · Pettole · Taralli · Orecchiette · Fave bianche e cicorie · Cacioricotta salentino · Rustico · Purceddhruzzi · Cartellate · Pasticciotto · Milunceḍḍe · Spumone · Pitta di patate
Cultura	Dialetto salentino (dialetto brindisino, dialetto leccese, dialetto di transizione apulo-salentino) · Grecia salentina · Pizzica/Taranta · Barocco leccese (barocco a Gallipoli)

Condrolle de autorità	VIAF (EN) 130461610 · LCCN (EN) no00101268 · J9U (EN, HE) 987007482462405171