|
Un film venerà (da 'nt l'anglèis cult movie) a l'é un film ch'a l'é fasse un sò cit pùblich ëd gent ch'a në fa bele che na maladìa. Soèns ij film venerà a son mai rivà a esse conossù fòra da sta partìa ëd malavi, contut ch'a-i sio vàire ecession. Vàire film venerà ant në scond temp a son peui rivà a esse considerà dij clàssich, dj'àutri a-i intro ant la categorìa ëd coj che "a fa talment ëscheur a vardelo ch'as peul nen manchelo", e sò destin a l'é dë pa bogesse d'ambelelì. Ij film venerà soèns a son ëstàit la sorgiss ëd gran sot-culture ch'a l'han fane bele che dj'ossession, e la definission ëd venerà da sòn a riva. Comsëssìa, a l'é nen ch'a basta avej na partìa ëd malavì për esse ciamà venerà, sòn a dipend pitòst da l'anfluss che sta cita partìa ëd person-e a-i la fa ëd avej ansima a la cultura pì general.
|
|
