Còsta

Ròbe parej - S'a l'é dapress ch'a sërca dj'àutre ròbe con ës nòm-sì ma n'àutr sust, ch'a preuva a vardé 'cò Còsta (omònim).

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Còsta

Stat:	Italia
Region:	Piemont
Provincia:	Provincia ëd Lissandria
Nòm 'n italian:	Costa Vescovato
Coordinà:	Latitudin: 44° 48′ 55.4′′ N Longitudin: 8° 55′ 37.9′′ E Mostra an sla carta
Autëssa:	305 m s.l.m.
Surfassa:	7,90 km²
Abitant:	333 (2017)
Comun dj'anviron:	Avolasca, Carzòu, Castlanìa, La Vilëtta, Monzeugh, Paderna, Sregh
CAP:	15050
Prefiss tel.:	0131
Còdes ÌSTAT:	006062
Còdes fiscal:	D102
Sant protetor:	san Martin
Festa dël borgh:	11 ëd novèmber

Sit istitussional

Còsta (Costa Vescovato an italian) a l'é un comun dël Piemont ëd 333 abitant ^[1], ant la provinsa ëd Lissandria.

As treuva an sle colin-e an sla drita dla Scrivia, ant la region dij Còj Tortonèis ch'a fan part dël pre-Apenin lìgur-piemontèis. Sò teritòri a comprend ij crinaj dle colin-e ch'a separo la val dël torent Osson-a e cola dël torent Corniasca.

Stòria

Le orìgin ëd Còsta a armonto a l'Età 'd Mès: ël pais a ven mensionà la prima vira ant ën document dël 1187. Për sécoj e sensa interussion Còsta a l'ha fàit part dël Vëscovà Tortonèis, valadì l'ansem dij possediment goernà diretament dal vësco ëd Torton-a. Tute le comun-e dël Vëscovà a l'avìo un cit Consèj ëd Chërdensa, ant ël qual tuti j'agn a j'ero elegiù tre cónsoj. Për soagné j'anteress generaj dël Vëscovà o për difendse da le mnasse ai drit comun as podìa samblé a Carzòu na Ciambrea General ëd tùit ij chërdensari. Contut ch'a sìa stàit sogetà al Ducà 'd Milan e peuj a jë Spagneuj, ël Vëscovà a manten soa autonomìa aministrativa. Dël 1713, an séguit al Tratà d'Utrecht, Còsta e 'l Tortonèis a passo a l'Imper Austrìach. Dël 1735 Torton-a e ij sò anviron a passo sota la Cà 'd Savòja ëd Carl Emanuel III ant ël Regn ëd Sardëgna. A ven creà la Contà 'd Torton-a antestà al re, ma 'l Vëscovà a ven ancora anfeodà al vësco 'd Torton-a. A l'é mach dël 1786 ch'ël vësco Carl Morissi Peyret a ced ël Vëscovà al re, an cambi d'ën neuv tìtol prinsipesch.

D'apress a l'época dla dominassion fransèisa ëd Napoleon Bon-a-part, Còsta a torna al Regn ëd Sardëgna, ant la Divison (peui Provinsa) ëd Lissandria, ant la Provinsa (peui Sircondari) ëd Torton-a e ant ël Mandament ëd Vila Vèrnia. Dël 1863 al nòm ëd Còsta a ven giontà col ëd Vëscovà, a memòria dla stòria passà.

Aministrassion

Ël sìndich a l'é Ottavio Rube (dal 26/05/2019).

Anliure esterne

Sit istitussional

Arferiment

↑ Sorgiss: ISTAT - Bilansi demogràfich al 01/01/2017 [1].

[1] Sorgiss: ISTAT - Bilansi demogràfich al 01/01/2017 [1].

[1]