Temperadura
|
La temperadura a l'é na grandëssa fìsica che as combin-a ant la vita ëd tùit ij dì a le comun-e sensassion ëd càud e ëd frèid. An fìsica, la temperadura as peul definisse an pì manere: tanme fonsion chërsenta dël grad d'agitassion térmica dle partissele (ant la teoria cinética dij gas), tanme ìndes dl'echilibri dij trasferiment térmich antra sistema diferent, ò tanme espression dël livel dl'entropìa d'un sistema (an termodinàmica e an fìsica statìstica). A-i é na temperadura ch'a l'é la pì bassa possìbil: a l'é ciamà ël zero assolù. La temperadura assolùa a l'é stàita antroduvùa da W. Thomson dël 1849, ch'a l'ha ëdcò daje dj'ancreuse base teòriche. |