Scritris an lenga anglèisa. Doris Lessing a l'era nassùa a Kermanshah, an Iran, ël 22 d'otóber dël 1919, an na famija anglèisa dla classa mesan-a.
Sò nòm anagràfich a l'era Doris May Tayler (Lessing a l'é 'l cognòm ëd sò second marì).
Dël 1924 tuta la famija a l'ha tramudà an Rhodesia dël Sud (al di d'ancheuj, Zimbabwe).
A tërdes agn la fija a l'ha decidù ëd chité la scòla.
A disneuv agn a l'é mariasse na prima vira e a l'ha avù doe masnà.
Apress avèj divorsià, as mariërà torna, con Gottfried Lessing.
Con chiel a l'ha avù un fieul e peui a l'ha torna divorsià.
An soa gioventura african-a la fomna a l'é stàita comunista; as dëstacrà peui dal partì ant ël 1956, durant j'eveniment d'Ungherìa.
Dël 1949, a l'ha chità l'Àfrica për tramudé a Londra, mach con ël fieul ëd sò scond mariage.
Dël 2007 a l'é stàita ansignìa dël Premi Nobel për la Literatura, apress che sò nòm a l'era stàit considerà për s'arconossiment a parte dal 1976.
Doris Lessing a l'é autris ëd na sessanten-a ëd lìber: romanz, poesìe, doe òpere (adatà da sò sicl ëd fantassiensa), piesse ëd teatro e n'autobiografìa.
The Grass Is Singing (1950)
This Was the Old Chief's Country (1951)
Children of Violence (1952–1969):
Martha Quest (1952)
Five (1953)
A Proper Marriage (1954)
A Ripple from the Storm (1958)
Landlocked (1965)
The Four-Gated City (1969)
Na conta ëd formassion an sinch volum. An n'Àfrica austral violenta e acablanta as descriv l'amprendiment ëd l'esistensa ëd soa eroin-a Martha Quest, partagià antra desideri ëd libertà e sot-mission a soa condission ëd fomna.
Going Home (1957)
The Habit of Loving (1957)
In Pursuit of the English (1960)
The Golden Notebook (1962)
Sò lìber pi conossù, dventà un manifest për le feministe. Ël përsonage prinsipal a l'é na romanziera ch'a ten sò diari an vàire scartari.
A Man and Two Women (1963)
African Stories (1964)
Cat Tales:
Particularly Cats (1967)
Particularly Cats and Rufus the Survivor (1993)
The Old Age of El Magnifico (2000)
Briefing for a Descent into Hell (1971)
The Temptation of Jack Orkney and other Stories (1972)
