Mau

Ech Mau, oposè à ch'Bien, ch'est chou qui porte in si chl'idèe d'nuisanche, queuque cose al est mawaise, plaingne ed mau, quanqu'a nuit d'unne foaichon obin d'unne eute. Echl'idèe d'ech mau al est atatchèe à tous ches évènmints, acchidinteus ou nin, à ches comportements obin étots (acchidinteus obin volontoaires) qui puvtte ète jugès nuisibes, détruiseus, mie moraus, pi qui font d'ches soufranches morales ou fisikes.

Pindant chl'antikitè, ch'problème du mau il étoét putot négligè, ches penseus grecs pi romains is pinsoétte souvint qu'ch'étoét unne opinion obin un sintimint qu'i foloét oblier, moais ch'est rvenu avuc ech cristianime qui a atatchè à ch'mau unne egzistinche réèle, ches ètes qu'o lonme ches démons obin ch'Diaule qui personnifioétte ech Mau.