Mehu
Mehu on juomine, kuduadu luajitah kypsis fruktois libo kazvoksis. Ga on vie olemas mehuloi, kuduat suajah erilazien heinien korzilois, juurilois da lehtilöispäi (ezim. mehu selderin korziloispäi). Mehuu juvvah läs kaikkies mualois.
Mehuloi juatah kolmeh lajih:
- Vastepuristettu mehu. Sidä luajitah puunandimis, konzu ostajat kačotah.
- Mehu, kuduadu puristetah kypsis fruktois libo kazvoksis. Sidä enzin muokatah (lämmitetäh) da sit valetah paketoih libo st’oklusäilytysastieloih.Tädä mehuu ei konservoija.
- Mehu, kuduadu luajitah väitetys mehus da vies.
Fruktumehut säilytetäh kaikkii vitamiinoi da minerualusuolii. Net voijah olla:
- abrikoussumehu
- apel’siinumehu
- vinogruadumehu
- granuattumehu
- sliivumehu
- juablokkumehu (juomine, kuduadu luajitah juablokkois. Täs mehus on äijy zuaharii da minerualusuolua. Se on terveh juomine da avvuttau, konzu ezim. vačču kivistäy da verenpaine on korgei libo madal.)
Muarjumehulois on äijy einehellisty ainehtu da vitamiinoi. Net voijah olla:
- križovniekkumehu
- čihoimehu
Kazvosmehut säilytetäh kaikkii vitamiinoi da minerualusuolii. Net voijah olla:
- kapustumehu
- morkouhkumehu
- sv’oklumehu
- tomuattumehu
- tikvumehu
On vie olemas puumehuloi, ezim.:
- koivumehu
- kl’onamehu