Peitieus

Peitieus^[1] (Poetae o Poeters en peitavin-sentongés, Poitiers en francés) es una comuna aguiainesa situada dins lo departament de Viena e la region de Novela Aquitània. Sa populacion èra estimada a 85 800 abitants, en 2004. Sa superfícia totala es de 42,11 km². Es situada a 340 km al sud-oèst de París.

Peitieus
Poetae
Poitiers

Centre vielh de Peitieus: egleisa de Senta Radegonda, catedrala de Sent Peire, palais de Justícia.

Armas

Geografia fisica

Coordenadas

46° 34′ 55″ N, 0° 20′ 10″ E

Superfícia

42,11 km²

Altituds
· Maximala
· Minimala

144 m
65 m

Geografia politica

Peitau

França

Peitieus (chaplhuec)

Peitieus (chaplhuec)

Alain Claeys (PS) (2008-2014)

Geografia umana

Populacion
Populacion totala
(2013)

87 427 ab.

ab.

Densitat

2 076,16 ab./km²

Autras informacions

peitevin

86000

La localitat es coneguda per la batalha de Peitieus entre los Francs menats per Carles Martèl e los Arabis.

Lo gentilici es peitevin -a e pas peitavin -a que significa los abitants de Peitau^[2].

Geografia

**Peitieus** e lo Peitavin (en rosseu) dins l'espaci peitavin-sentongés

Comunas limitròfas

Peitieus es limitròfa de las comunas seguentas^[3]:

Comunas confrontantas de **Peitieus**
Minhec e Ausança	Busseròlas	Montamiser
Biard, Vonuelh		Binhols, Sèvres-Anxaumont
Fontaine-le-Comte, Crotelas	Saint-Benoît, Ligugec	Mignaloux-Beauvoir

Toponimia

Las atestacions ancianas son, per lhuec:

Peitieus - Lemonum ou Limonum (edat de Cesar); Λίμονον (edat de Ptolemèu); Lemuno (sens data); Lomounum ou Lomonum (sens data); Civitas Pictonum (sens data); Pictavi (sens data); Civitas Pictavorum (sens data); Civitas Pictava (sens data); Pictavis, Pictava urbs, Pictavensis civitas (edat de Gregòri de Tors); Pectavum, urbs Pectava (sens data); Pectavis, Pectavo (Edat Merovingiana); Apud Pictavium civitatem (sens data); Pictavia civitas au seglhe IX; Apud Pictavim en 1080; Pictavensis ecclesia en 1092; Seignoratge de Peytieus (sens data); Pictaviensis comes vers 1102; Poyters, Peytiers en 1266; Peiters, Peters en 1266; Peitiers en 1278; Poytiers en 1286; Poiters en 1363; Poictiers en 1366; Poitiers en 1394; Paytiers en 1445^[4].

Istòria

Article detalhat: Istòria de Peitieus.

Peitieus a daissat lo sieu nom a tres grandas batalhas :

la primièra batalha de Peitieus 507, o batalha de Vouillé es la mens coneguda. Foguèt emportada per Clodovèu subre Alaric II rei dels visigòts (al luòc dich Campus Vogladensis) al nòrd-oèst de Peitieus, e permetèt la conquista franca de tota la zòna entre Léger e Pirenèus.
la batalha de Peitieus en 732 a Moussais, sus la municipalitat de Vouneuil-sur-Vienne, al Nòrd de Peitieus, amb la victòria de las Francs dirigits per Carles Martèl sus las tropas moros e los sieus aligats ;
la batalha de 1356, que se debanèt a Nouaillé-Maupertuis al sud de Peitieus, amb la victòria dels angleses comandats pel Prince negre contra los franceses dau rei Jean lo Bon.