Marions

Las fòrmas ancianas son Marianarum (Duces ~ et Sillanarum), en latin, en 60 av. J-C, Marions (duo vicina oppida - et Syllas), shens data. La prononciacion es [ma'rjuns]. Marions es pas un derivat deu nom de la Verge Maria, mès representa *Marianos [fundos], que mia a *Marians, modificat en Marions per atraccion d'un diminutiu deu pichon nom Maria ^[1].

Las duas atestacions venen de Chronicon Vazatense (Cronica de Vasadés), Archius Istorics de Gironda, XV, p. 15. Cau préner dab prudéncia ua fòrma escrita en Vasadés, avant l'arribada de Juli Cesar ! Mès tot s'esclarzís en sabent que la Cronica es pas un document d'epòca. Sembla ua compilacion escrita au sègle XVI o XVII per Hieronimo-Geraldo Puteano (Jeròni Guiraud Deupug, o deu Pug), archidiague de la diocèsi de Vasats ^[2]. Cau acordar au mot oppidum lo sens de « plaça fòrta » shens idèia de « lòc haut », compte tengut deu relèu planèir de las comunas de Marions e de Silhàs (o Silàs), emèi enqüèra i a un dobte sus la localizacion de talas fortalessas, coneishudas setze sègles après que las bastiguèn - ipoteticament. Observaràn qu'un lòc nommat en latin Sillan- seré vengut Sir-, ua rason de mèi de dobtar de la valor istorica deu document. Empacha pas que Marions sia versemblablament l'ancian maine de Marius, dab lo sufixe -onem, com Mariau es Marius + sufixe gallés -avum (o sufixe latin -anum, dab ua evolucion posteriora).

• Avant la refòrma cantonala de 2014, aplicada en 2015, la comuna èra deu canton de Granhòs; es adara deu canton deu Sud Gironda.

• Comunas de Gironda

1. ↑ Bénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 210-211
2. ↑ http://gallica.bnf.fr/ark:/12148/bpt6k34114h/f44.image

•   Portau de Gasconha