Domician
Domician (24 d'octòbre de 51, Roma - 18 de setembre de 96, Roma) foguèt un emperaire roman de la dinastia flaviana que reinèt dau 14 de setembre de 81 a sa mòrt. Succediguèt a son Titus e foguèt remplaçat per Nerva, fondator de la dinastia antonina, après son assassinat. Après sa mòrt, foguèt condamnat au damnatio memoriae per lo Senat.
|
Domician
| |
|---|---|
 | |
| Pèça de moneda dau rèine de Domician | |
| Biografia | |
| Naissença | 24 d'octòbre de 51 |
| Decès | 18 de septembre de 96 |
| País: | Empèri roman |
| Epòca: | Antiquitat |
| Règne: | 81 a 96 |
| Davancièr: | Titus |
| Successor: | Nerva |
Rèine
modificarSon rèine foguèt dominat per de guèrras dins la region de Danubi de 83 a 89, per una guèrra civila còntra una temptativa d'usurpacion dau poder menada per lo legat Antonius Saturninus en 89 e finalament per una guèrra en Germania fins a 93.
Sa politica interiora permetèt de redreiçar l'economia romana e de modernizar la capitala. Aquela òbra foguèt contuniada per sei successors Nerva e Trajan que venguèron fòrça populars. En revènge, Domician poguèt gaire aprofichar sei resultats car son mespretz per lo Senat e la repression saunósa de la fin de son rèine li donèron una gròssa impopularitat dins la populacion romana. Ansin, unei personalitats importantas de la Cort organizèron un complòt per l'assassinar en 96 e lo Senat prononcièt sa condamnacion damnatio memoriae. Aquò entraïnèt una crisi militara grèva car Domician èra popular dins l'armada e Nerva deguèt donc permetre ai soudats de sa garda d'eliminar lei caps dau complòt.