Tbilissi
|
Tbilissi
| |||||
|---|---|---|---|---|---|
 | |||||
| |||||
| |||||
| Geografia fisica | |||||
| Coordenadas | 41° 43′ 01″ N, 44° 46′ 59″ E | ||||
| Superfícia | 72 600 ha = 726 km² | ||||
| Geografia politica | |||||
 | |||||
 | |||||
| País |  Georgia | ||||
| Subdivision | Tbilissi | ||||
| Geografia umana | |||||
| Populacion (2014) |
1 118 035 ab. | ||||
| Autras informacions | |||||
| tbilisi.gov.ge | |||||
Tbilissi (თბილისი en georgian) es la capitala e la pus granda vila de Georgia. La vila es tanben coneguda per son nom grèc de Tiflis dins qualques lengas (per exemple dins las fonts russas d'abans 1936).
La vila s'estend per las ribas de la ribièira Kura amb una populacion d'aperaquí 1.5 milion de personas. Fondada al sègle V AD per Vakhtang I d'Iberia, Tbilisi serviguèt dempuèi de capitala a divèrses reialmes e Republicas georgianas. Entre 1801 e 1917, alavetz part de l'Empèri Rus, Tbilisi foguèt lo sèti de la Vicireialtat de Caucàs, que governava a l'encòp lo Caucàs del Sud e lo Caucàs del Nòrd.
Amb sa posicion a la crosada d'Euròpa e d'Asia, e sa proximitat amb la Rota de la Seda, Tbilisi foguèt a travèrs l'istòria un punt de contencion entre divèrses poders. La situacion geografica de la vila li assegura encara uèi una posicion importanta sus las rotas del negòci e de l'energia. L'istòria divèrsa de Tbilisi se miralha dins son arquitectura, qu'es una mescla d'estructuras medievalas, neoclassicas, d'estil belas arts, Art Novèl, estalinianas e modèrnas.
Istoricament, Tbilisi coneguèt multiplas etnias, culturas e religions mas uèi l'Ortodoxia i ten una plaça dominanta. Las destinacions toristicas notablas son las catedralas de Sameba e de Sioni, la Plaça de la Libertat, l'avenguda Rustaveli e l'avenguda Agmashenebeli, la fortalesa medievala, l'Opèra d'estil neomauresca, e lo Musèu Nacional Georgian.
