Toghrul Beg

Toghrul Beg (990 - 4 de setembre de 1063) èra un prince turc seldjokide que fondèt lo Sultanat Seldjokide. Son nebòt Alp Arslan li succediguèt de 1063 a 1072.

Felen de Seldjuk, lo fondator de la tribü, conquistèt Merv e Nichapur en 1028-1029 e se proclamèt sultan en 1038. A partir de 1040, acomencèt la conquista sistematica de Pèrsia e de Mesopotamia. Aprofichant l'ostilitat dei sunitas còntra la dominacion dei Boidas chiitas, formèt un estat centralizat e fòrt, sus lo modèl iranian, per assegurar son poder sus lei regions conquistadas. Puei, prenguèt lo contraròtle d'Ispahan (1046), bloquèt leis atacas fatimidas còntra Bagdad (1054) e menèt d'incursions còntra Armenia (1054-1055). Enfin, de negociacions ambé lo califa abbassida li permetèt d'intrar pacificament en Bagdad en 1055 e d'obtenir la reconóissença de son títol de sultan per lo poder abbassida en 1058.