Panzer V
Lo Panzer V Panther es un carri mejan alemand de la Segonda Guèrra Mondiala. Concebut entre 1941 e 1943, marquèt una revolucion importanta dins la fabricacion dei carris de combats car sa poissança de fuòc, son blindatge espés e sa velocitat auta prefigurèron lei carris de combat principaus modèrnes.
Son desvolopament comencèt en 1941 quand la Wehrmacht rescontrèt lo T-34 sovietic. Superior ai Panzer III e IV, necessitèt l'adopcion d'un blindat pus poderós au sen de l'armada alemanda. Lo Panther intrèt en servici en 1943 e venguèt rapidament un adversari redobtable sus totei lei prats batalhiers gràcias a son canon de 75 mm e son blindatge fòrça resistent. Sa velocitat maximala de 45 km/h (55 km/h per certanei versions) èra tanben un avantatge important per assegurar sa subrevida. En revènge, son desvolopament accelerada aviá pas permés de fiabilizar sa motorizacion. Ansin, lo carri demorèt pauc fisable e mai d'un Panther foguèt perdut en causa de panas. De mai, la produccion (6000 unitats) foguèt pereu pas sufisenta per inversar la superioritat numerica dei blindats aliats e sovietcs.
Après la guèrra, de Panther capturats foguèron utilizats per plusors armadas aliadas (França, Romania, Bulgaria...) fins ais ans 1950.