Lanamesa

Vila d'Occitània

Lanamesa
Lannemezan

Era glèisa de Sent Joan Baptista de Lanamesa.

Armas

Geografia fisica

Coordenadas

43° 07′ 30″ N, 0° 23′ 08″ E

Superfícia

19,03 km²

Altituds
· Maximala
· Mejana

647 m
588 m

Geografia politica

País

Gasconha

Parçan

Istoricament restacat ara Vath d'Aura puish ath Nebosan

França

Burèu centralizator deth canton de La Varossa (caplòc deth Canton de Lanamesa abans 2015)

Intercom
246500797

CC deth Plan de Lanamesa (residéncia)

Cònsol

Bernard Plano
(2020-2026)

Geografia umana

Populacion
Populacion totala
(2018)

5 812 ab.

5 971 ab.

Densitat

312,14 ab./km²

Autras informacions

Escais

Eths afotats. Eths vaganaus.

Gentilici

Lannemezanais (en francés)

Còde postal

65300

Còde INSEE

65258

http://www.lannemezan.com

(Era) Lanamesa^[1] o Lanamesan/Lanamedan^[2] (Lannemezan en francés) qu'ei ua comuna d'Occitània, en Gasconha, situada dens eth departament deths Hauts Pirenèus dera region d'Occitània, ancianament de Miègjorn-Pirenèus.

Geografia

Era vila qu'ei situada sus eth Plan de Lanamesa, ath pè deths Pirenèus e ath bèth miei d'aquesta cadena de montanhas, entre era Mar Grana e era Mar Mediterranèa e entre Tarba e Tolosa. Eth plan de Lanamesa qu'ei era hont de 18 arrius e lanamesa qu'ei era traucada pera Petita Baïsa.

Eths principaus quartièrs dera vila

- Eth centre : bastit ath torn dera maison comuna e dera glèisa de Sent Joan Baptista, qu'ei eth còr istoric dera vila e qu'estó arrenavat hè un detzenat d'annadas. Atau, era nava plaça deths Dreits deth Òmi e deth Ciutadans on òm tròba eth ofici deth torisme e que hè fàcia ath quiòsc qu'ei un lòc màger deras animacions e deras manifestacions dera vila. Era carrèra Tièrs (Thiers), carrèra centrau, qu'ei era mes comerçanta dera comuna e presenta era entrada dera galaria comerciau Paul Bert. Quitament, qu'avem era plaça dera Pòsta, tanben arrehèta qu'ei hornida de duas honts e d'un monument aths morts deras granas guèrras

- Eths Bortolets, ath torn deth baloard deths Tilhs e près dera gara S.N.C.F., que's plaça en haut d'un cantau que domina eth centre e se desplega ath torn d'un large boloard bordat d'arbos.

- Eth Gueriçà, quartièr pro recent ath sud dera ciutat, que's plaça en bòrd deth bòsc dera Plantada e deth canau dera Nèsta. Qu'ei sustot bastit d'ostaus individuaus bordant nombrós espacis verds.

- Las Moliàs. Ath nòrd, eth quartièr "deths molins" ath torn dera "cité des bans", deth collègi, qu'ei en mutacion gràcias ara construccion de navas parcèlas e d'un centre medicosociau.

- Eths Barraquets qu'ei un bordalat ancian situat ath extrèm nòrd dera comuna.

- Eth Horquet, arrebatiat en francés "la Demi-Lune" tara partida bastida quan eth complèxe espitalèr de Lanamesa i estó implantat, qu'ei un bèth bordalat arrecent estremat dera vila situat ath èst d'aquesta sus era arrota de Tolosa, eth espitau d'amiè era sua urbanizacion e era construccion d'un Parc de léser eth Gòlf e un ipodròm.

- Pèirahita. Adès tèrra de lana ath extrèm sud dera comuna, qu'ei uei ua zòna industriau e comerciau en plen desvolopament.

Toponimia

Era prononciacion qu'ei [('éra) lana'méza] o [lanamé'za] (grafia fonetica deths autors). Eras fòrmas ancianas que son : Ramundus de Lanamezano, en latin, en 1210, Ramundus de Lanamezan en 1213-1214, de Lanamezano, en latin, en 1300 e 1342, Lantermensa ! en 1429, Lanamesan en 1667, Lannemezan (mapa de Cassini, ara fin deth sègle XVIII)^[3].

Segon Dauzat, Lanamesa que vien de landa, mot d'origina gallica, dab eth latin medianum, « situat ath miei »^[4]. Segon Negre, Lanamesa que vien deth gascon lana e meja(n)a, meda(n)a, meza(n)a, « mediana »^[3].

Segon Miquèu Grosclaude, que i a duas prononciacions gasconas, ua, [('éra) lana'méza], dab un arreculament de l'accent tonic. L'etimologia latina qu'ei landa mediana > lana mesana, mes que i a dus sens possibles : « lana deu miei » o « lòc situat au miei de la lana^[3].

Istòria

Dessins rupestres dens los Grottes de Gargas

Eth Plan de Lanamesa qu'ei ric en restas de preséncia umana preïstorica ; eths permèrs abitants que caçavan era arrica fauna sauvatge d'aquesta tempsadas : mamot, rinocèros lanós.

A partir dera conquesta romana, que vengó ua region d'establiment de tèrmes.

En 1274, per carta de franquesa, Géraud Ièr d'Aure-Larboust que fondè era bastida de Lanamesa sus un terrenh eslhevat provesit d'ua tor. Sus un lòc conegut alavetz coma era Lana del Boc.

En 1345, eth vescomte de Foish-Bearn que crompèr lo territòri de Lanamesa amassa dab Escala, Tuzaguet e Pinars a Geraud II d'Aure-Larboust e Gaston Febus qu'eth restaquè a sa possession de Nebosan.

Durant las Guèrras de religion era vila (e sustot era glèisa de Sent Joan Baptista) que estón sacamadejats per Gabriel Ièr de Montgomery, mandat pera regina joana de Labrit.

Administracion

Lista deths cònsols successius
Periòde		Identitat	Etiqueta	Qualitat
març de 2001	2026	Bernard Plano	PS	engenhaire
març de 1977	2001	Pierre Bleuler	UDF	mètge, deputat, conselher generau
març de 1966	1977	François Sarrat	radicau socialista	cap d'entrepresa
1939	1966	Paul Baratgin	Radicau Socialista RGR	senator
	1939
Totas las donadas non son pas encara conegudas.

Demografia

modificar « persona »
v · d · m

Evolucion demografica
Populacion comunala actuala (2013): 5940, totala: 6171

1 408

1 563

1 604

-

1 839

-

-

1 913

-

7 378

Cercar

6 137

5 824

5 762

5 716
5 911

2009

2010

5 789
5 985

5 817
6 051

Fonts

Base Cassini de l'EHESS (recercar) - Nombre retengut a partir de 1962 : Populacion sens comptes dobles - Sit de l'INSEE

Evolucion de la populacion 1962-2008

Dab 5 940 abitants, Lanamesa qu'ei era 5au vila (en nombre d'abitants) deths Hauts Pirenèus, darrèr Tarba, Lorda, Banhèras de Bigòrra e Aurelhan.

En 2018 era populacion qu'èra de 5812 abitants e era densitat qu'èra de 305,41 ab/km².

Cultura locala, patrimòni e torisme

Glèisa de Sant Joan : classada Monument istoric, d'estil gotic, dab un portau deth sègle XIII e un capanar deth sègle XIX
Estacion de Piau-Engaly

Era carrèra Georges Clémenceau
Eth pont d'Espanha, a on passa dessús eth camin de hèr Tolosa-Baiona
Era glèisa de Sent Joan Baptista
Eth monument taths morts e eth vielh marcat crobit arringat
Era plaça deth heralh
Era maison comuna de Lanamesa

Wikimedia Commons prepausa de documents multimèdia liures sus Lanamesa.

Nòtas e referéncias

↑ Top'Òc Diccionari toponimic occitan del Congrès permanent de la lenga occitana.
↑ https://toponimiaoc.webs.com/65hautspirenus.htm
↑ ^3,0 ^3,1 et ^3,2 Michel Grosclaude et Jean-François Le Nail, Dictionnaire toponymique des communes des Hautes-Pyrénées intégrant les travaux de Jacques Boisgontier, Conseil Général des Hautes-Pyrénées, 2000 https://www.archivesenligne65.fr/article.php?laref=1084&titre=lannemezan
↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 379, a Lalande

Portau de Gasconha

[1] Top'Òc Diccionari toponimic occitan del Congrès permanent de la lenga occitana.

[2] ttps://toponimiaoc.webs.com/65hautspirenus.htm

[glb-3] 3,0 ^3,1 et ^3,2 Michel Grosclaude et Jean-François Le Nail, Dictionnaire toponymique des communes des Hautes-Pyrénées intégrant les travaux de Jacques Boisgontier, Conseil Général des Hautes-Pyrénées, 2000 https://www.archivesenligne65.fr/article.php?laref=1084&titre=lannemezan

[4] Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 379, a Lalande

[1]

[2]

[3]

[4]

Geografia

Eths principaus quartièrs dera vila

Toponimia

Istòria

Administracion

Demografia

Demografia

Cultura locala, patrimòni e torisme

A proximitat

Personalitats ligadas dab era comuna

Ligams extèrnes

Nòtas e referéncias