Nikolai E. Astrup
Treng oppdatering |
Nikolai Eivindssøn Astrup (fødd 12. juni 1978 i Oslo) er ein norsk politikar frå Høgre. Han var digitaliseringsminister i regjeringa Solberg frå 22. januar 2019, og kommunal- og moderniseringsminister frå 24. januar 2020.[1] Før dette var han utviklingsminister i den same regjeringa.[2]
| Nikolai E. Astrup | |||
 | |||
| Fødd | 12. juni 1978 (46 år) Oslo | ||
|---|---|---|---|
| Statsborgar av | Noreg | ||
| Parti | Høgre | ||
| Yrke | politikar | ||
| Utdanna ved | London School of Economics | ||
| Far | Eivind Astrup | ||
| Verv | Norsk kommunalminister 24. januar 2020– 14. oktober 2021 | ||
| Føregangar | Monica Mæland | ||
| Verv | Norsk digitaliseringsminister 22. januar 2019–24. januar 2020 | ||
| Etterfylgjar | Linda Hofstad Helleland | ||
| Verv | Norsk utviklingsminister 17. januar 2018–22. januar 2019 | ||
| Føregangar | Heikki Holmås | ||
| Etterfylgjar | Dag Inge Ulstein | ||
| Verv | Stortingsrepresentant 2009– i dag | ||
| Alle verv |
| ||
Han har vore vald inn på Stortinget frå Oslo sidan 2009, og er også nestleiar i Oslo Høgre frå 2008. Astrup er medlem i Stortingets energi- og miljøkomité, og er Høgres talsmann for desse sakene. Han er dessutan engasjert i EU-saka, og er leiar i Høgres EU-utval.
Bakgrunn
endreAstrup er son av forretningsmannen Eivind Astrup (fødd 1945)[3] og Vibeke Mortensen (fødd 1947), og ber namnet til faren som patronymikon. Nikolai Astrup gjekk ved Voksen skole 1985–1991 og Hovseter ungdomsskole 1991–1994. Han gjekk på skole i Sveits 1994–1995, og gjekk deretter IB ved Berg VGS 1995–1997. Han har bachelor i internasjonale forhold frå 2000, og master i europeisk politikk og styring frå 2005, begge frå London School of Economics and Political Science.
Astrup var praktikant hjå Verdsorganisasjonen for helse i 1999, var konsulent i strategi og forretningsutvikling hjå Arkwright 2000–2002, og var vitskapleg assistent ved London School of Economics and Political Science 2005–2006. Ansvarleg redaktør i tidsskriftet Minerva 2001–2008.
Politisk karriere
endreAstrup var leiar i Oslo Unge Høgre 2002–2004, og som leiar der skreiv han boka Velferd etter velferdsstaten saman med Torbjørn Røe Isaksen i 2004. Medlem av Studentparlamentet i Oslo 2002–2003. Politisk rådgjevar for stortingsgruppa til Høgre 2006–2008, i tillegg til ein periode som byrådssekretær for dåverande byrådsleiar Erling Lae
Astrup har mellom anna markert seg i debatten rundt norsk narkotikapolitikk. I 2003 foreslo han at Noreg skulle dele ut heroin til 600 narkomane i Oslo, etter modell frå me.a. Nederland og Sveits.[4] Av argumenta til Astrup var at dette kunne føre til ein nedgang i prostitusjonen i Oslo,[5][6] og at det var liten eller ingen forskjell på å dele ut heroin og metadon.[7] Astrup har også gått inn for å endre sosialtenesteloven slik at ein kan yte sosialhjelp i heimkommunen til ein person, for å unngå tilstrømming av narkomane til Oslo.[3]
Astrup vart nestleiar i Oslo Høgre i 2008, og same år også leiar i Høgres EU-utval. Han var 4. vararepresentant til Stortinget 2005–2009, men vart i 2009 nominert som 4. kandidaten til Høgre, og vart vald inn på fast mandat. Dette skjedde etter ein høvesvis mykje omtalt nominasjonsrunde der Inge Lønning i tur tapte ny nominasjon mot Michael Tetzschner på 3. plass og Astrup på 4. plass.[8] Ein annan utfordrar til plassen Astrup har på lista var Afshan Rafiq.
På Stortinget er Astrup, forutan å vere medlem av Energi- og miljøkomiteen og talsmannen til partiet for desse sakene, varamedlem av Stortingets delegasjon til parlamentarikarkomiteane i EFTA og EØS.
Stortingskomitear
endre- 2009–2013 medlem i Energi- og miljøkomiteen
Referansar
endre- ↑ «Endringar i regjeringa». Regjeringa.no. 22. januar 2019. Henta 27. januar 2019.
- ↑ «Endringer i regjeringen». Regjeringa.no. 17. januar 2018. Henta 19. januar 2018.
- ↑ 3,0 3,1 «Vil sende narkomane hjem», Verdens Gang, 6. oktober 2002
- ↑ «Unge Høyre-leder – vil ha gratis heroin», Verdens Gang, 28. april 2003
- ↑ «Oslo Unge Venstre oppfordrer prostituerte – Flytt til Karl Johan!», Aftenposten Aften, 23. februar 2004
- ↑ «Dobbeltmoralsk», Dagsavisen, 19. februar 2004
- ↑ «Utdeling av heroin som behandlingstilbud». Liberaleren. 10. juni 2004. Henta 27. mars 2008.
- ↑ Stine Barstad og Halvor Hegtun (1. september 2009). «Inge Lønning vraket». Aftenposten.
Bakgrunnsstoff
endre- Nikolai Astrup Arkivert 2009-12-17 ved Wayback Machine. hos Høgre