Kvithakepetrell
Kvithakepetrell, Procellaria aequinoctialis, er ein stor sjøfugl i stormfuglfamilien Procellariidae. Han har utbreiing i sørlege hav så langt nord som utanfor Sør-Australia, Peru og Namibia, og hekkar sirkumpolart i koloniar på øyar i Sørishavet.
| Kvithakepetrell | |
 Kvithakepetrell utanfor Kaikoura Foto: Wikipedia-brukar Mjobling
| |
| Utbreiing og status | |
Status i verda:  Sårbar Utbreiinga av kvithakepetrell | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Stormfuglar Procellariiformes |
| Familie: | Stormfuglfamilien Procellariidae |
| Slekt: | Procellaria |
| Art: | Kvithakepetrell P. aequinoctialis |
| Vitskapleg namn | |
| Procellaria aequinoctialis | |
Skildring
endreIkkje berre er dette den største medlemmen av slekta Procellaria, men det er òg den største arten i stormfuglfamilien med unnatak for kjempepetrellar.[1] Kvithakepetrell måler 51-58 cm i lengd, veg 0.97-1.89 kg og har eit vengespenn på 134-147 cm. Denne store petrellen er sotsvart og har litt kvitt på halsen og haka. Primærfjørene kan ha ein sølvaktig utsjånad på undervengen. Nebbet kan vere lysgrått eller gult, med mørke nasebor. Han har svarte føter. Når han flyg, vekslar han mellom langsame vengeslag og glideflukt. Sjølv om han normalt er stille, læt han lydar som rasling eller stønning inne i kolonien.[2]
Kvithakepetrellen nyttar mange øyar i Sørishavet i hekkeperioden. Største kolonien på 2 000 000 par hekkar på Sør-Georgia. Utanom hekkesesongen beitar desse petrellane mellom pakkisen i Antarktis og subtropisk område på den sørlege halvkula.[2] Kosthaldet består hovudsakleg av kril følgt av fisk.[3] Kvithakepetrellar beitar på overflata og ved å gjennomføre grunne dukk,[4] og dei vil lett følgje skip for å ta utkast,[5] noko som òg gjer dei sårbare for linefisket.
Totalpopulasjonen er estimert til 3 millionar individ og er minkande.[2]
Kjelder
endre- Denne artikkelen byggjer på «White-chinned Petrel» frå Wikipedia på engelsk, den 7. juni 2012
Referansar
endre- ↑ John B. Dunning Jr. (Editor) CRC Handbook of Avian Body Masses CRC Press (1992), ISBN 978-0-8493-4258-5.
- ↑ 2,0 2,1 2,2 BirdLife International (2022) Species factsheet: Procellaria aequinoctialis. Henta frå http://www.birdlife.org on 11. august 2022.
- ↑ Berrow, S.; Croxall, J. (1999). «The Diet of white-chinned petrels Procellaria aequinoctialis, Linnaeus 1758, in years of contrasting prey availability at South Georgia». Antarctic Science 11: 283–292.
- ↑ Huin, N. (1994). «Diving Depths of White-Chinned Petrels». Condor 96 (4): 1111–1113. JSTOR 1369125. doi:10.2307/1369125.
- ↑ Cherel, Y.; Weimerskirch, H.; Duhamel, G. (1996). «Interactions between longline vessels and seabirds in Kerguelen waters and a method to reduce seabird mortality». Biological Conservation 75 (1): 63–70. doi:10.1016/0006-3207(95)00037-2.
Bakgrunnsstoff
endre- Videoar, bilete og lydopptak av kvithakepetrell hos Internet Bird Collection