Five Leaves Left

Five Leaves Left vart spelt inn mellom juli 1968 og juni 1969 i Sound Techniques i London i England. Lydteknikaren John Wood hugsa at «Drke spelte songane live, og song og spelte i lag med strykeseksjonen» utan noko bruk av overdubbing. For songen «River Man» skildra Joe Boyd at Drake sat på ein stol og spelte midt i studioet omgjeve av ein halvsirkel av instrument.

Blant musikarane som akkompagnerte Drake var Richard Thompson frå Fairport Convention og Danny Thompson frå Pentangle. Robert Kirby, ein ven av Drake frå ungdomen, arrangerte styrkeinstrumenta på fleire spor, medan Harry Robinson arrangerte strykarane på «River Man».^[3]

Namnet på albumet skal vere frå ei melding som var inni sigarettpapiret Rizla, som åtvara folk om at det berre var fire papir igjen.^[4]

Det har også vore spekulert i om namnet kjem frå O. Henry-novella The Last Leaf, der ei kvinne seier at ho kan døy lykkeleg når alle blada på treet hennar har falle. Ho seier deretter at det ikkje er lenge til det berre er fem blad igjen på treet. Samuel Beckett sitt teaterstykkje Mens vi venter på Godot, der handlinga skjer under eit einsamt tre ved ein landeveg, inneheld linja «The tree has four or five leaves».

Meldingar
Karakter
Kjelde	Karakter
AllMusic	[5]
Encyclopedia of Popular Music	[6]
Entertainment Weekly	A[7]
Pitchfork	9.5/10[8]
Q
The Rolling Stone Album Guide	[9]
Uncut

Meldingane då albumet kom ut var blanda. Ei kort melding i Melody Maker diskuerte opphavet til albumtittelen og la berre til: «Det høyrest poetisk og ut det same gjer komponisten, songaren og gitaristen Nick Drake. Debutalbumet hans for Island er interessant.»^[10] Gordon Coxhill i NME skreiv at han var skuffa over plata: «Eg er lei meg for at eg ikkje kan vere meir entusiastisk fordi han har heilt klart ein del talent, men det er ikkje nok variasjon på denne debutplata til at det vert underhaldande. Stemma hans minner meg om Peter Sarstedt, men songane hans manglar Sarstedt si gjennomslagskraft og fengslande kvalitet.»^[11] Ei melding av Maurice Rosenbaum i The Daily Telegraph var meir positiv og skildra plata som «ei glimande plate med Drake sine eigne songar».^[12]

Fram til 1990-åra vart platene til Drake stort sett gløymde, men då platene vart ommastra i 2000 og gjevne ut på ny kom det positive meldingar i musikkpressa.

Five Leaves Left har ofte vore med på lister over dei beste albuma gjennom tidene. Albumet vart rangert på 283. plassen på den originale lista til Rolling Stone rå 2003 over dei 500 beste albuma gjennom tidene.^[13] På den oppdaterte lista frå 2012 var derimot plata heilt ute av lista. NME rangerte ho på 258. plasse i 2013 på si liste over dei 500 beste albuma.^[14] Ei liste over dei 200 beste albuma gjennom tidene i Uncut i 2016 sette albumet på 183. plassen.^[15]

På ei liste over dei 100 beste debutalbuma gjennom tidene i Uncut i 2006 vart Five Leaves Left rangert på 29. plassen.^[16] Plata var òg ed på ei liste over «Debutalbum som endra musikken» i magasinet Q i 2017.^[17] På ei liknande liste i 2007 i Mojo kalla «100 plater som endra verda», vart Five Leaves Left rangert på 78. plassen.^[18] Albumet er òg i boka 1001 Albums You Must Hear Before You Die.^[19]

Alle songar er skrivne av Nick Drake.

• Nick Drake - vokal og akustisk gitar, piano (spor 10)
• Paul Harris – piano (spor 1, 8)
• Richard Thompson – elektrisk gitar (spor 1)
• Danny Thompson – kontrabass (spor 1-3, 6, 8, 10)
• Rocky Dzidzornu – congas (spor 3, 6), shaker (spor 6)
• Clare Lowther – cello (spor 6)
• Tristan Fry – trommer og vibrafon (spor 10)
• ukjend – fløyte (spor 7)
• ukjende – obo, bassobo og engelsk horn (spor 9)
• Harry Robinson – strykararrangement (spor 3)
• Robert Kirby – strykararrangement (spor 5, 7, 9)

Teknisk

• Simon Heyworth – mastering
• Joe Boyd – produsent
• John Wood – lydteknikar