Snøbrett

Snøbrett, etter engelsk snowboard, er ein vinteridrett med opphav i bølgjesurfing. Med ei rundt halvannan meter lang, 30 cm brei plate festa til føtene, renn ein ned bakkar utan stavar. Ein kan tevla om å gjera dette så raskt eller så imponerande som mogleg, men som med dei andre vinteridrettane driv mange med snøbrettkøyring fordi det er morosamt.

Snøbrett eignar seg godt til å køyra i laussnø utanfor hovudbakken. Bretta er lettare å styra i laussnø enn to ski, og breidda på brettet gjer at den som køyrer ikkje søkk så djupt. Ein køyrer ofte òg snøbrett i særskilde bakkar med hopp, rekkverk, benker og halfpipe der ein kan gjera ulike triks.

Det var surfarar frå California som sette i gang idretten då dei tok surfebretta sine til fjellet om vinteren. Sidan byrjinga ved slutten av 60-talet har utviklinga gått raskt, og i dag blir det selt over 500 000 snøbrett årleg på verdsbasis. Til Noreg kom idretten på slutten av 70-talet, og i byrjinga av 80-åra utvikla sporten seg rundt eit miljø på Tryvann. Anders Wittussen starta allereie i 1982 med norsk produksjon av snøbrett under merkenamnet «Utopia». Norges snowboardforbund (NSBF) blei oppretta i 1987.

Snøbrett blei innført som ei grein i OL i Nagano i 1998.

På snøbrett kan ein tevla innan

• slopestyle
• quarterpipe
• halfpipe
• parallellslalåm
• storslalåm
• snowboardcross

• Daniel Franck
• Espen Arvesen
• Kim Christiansen
• Stine Brun Kjeldås
• Kjersti Buaas
• Terje Håkonsen
• Jan Petter Solberg
• Stian Solberg
• Daniel Ek
• Mats Johnsson
• Frode Skarbøe
• Eirik Haugo
• Mikkel Bang
• Fredrik Austbø
• Torstein Horgmo
• Andreas Ygre Wiig

Wikimedia Commons har multimedia som gjeld: Snøbrett

• Bokmålswikipedia
• Svensk Wikipedia