Drammen kommune

	Drammen kommune
	kommune
	Kommunevåpen
	Kommunevåpen
Land	Noreg
Fylke	Buskerud
Adm.senter	Drammen
Areal	317,68 km²
• land	309,18 km²
• vatn	8,5 km²
Folketal	104 487 (1. januar 2024)
Målform	nøytral
Ordførar	Monica Myrvold Berg (Ap)
Kommunenr.	3301
	; Drammen kommune; 59°44′43″N 10°12′21″E / 59.745361111111°N 10.205969444444°E
	Kart som viser Drammen kommune. Kart som viser Drammen kommune.
	Wikimedia Commons: Drammen
	Nettstad: www.drammen.kommune.no

Drammen (òg kalla Dramn) er ein bykommune i Buskerud fylke. Byen Drammen ligg på begge sider av Drammenselva der ho munnar ut i Drammensfjorden. Drammen hamn er ei naturleg hamn som har vorte brukt sidan vikingtida.

Bragernes på nordsida av Drammenselva og Strømsø-Kobberviktangen på sørsida av elva vart gjeve ein faktisk, men ikkje formell status som ladestadar i eit kongebrev frå 1636. Desse to ladestadane fekk i 1715 rettar som kjøpstadar kvar for seg. Kjøpstaden Drammen vart skipa i 1811 ved at Bragernes og Strømsø vert slege saman, og dette er rekna som grunnlegginga av den noverande byen Drammen. Stiftamtmann, statsråd og lagtingspresident Marcus Gjøe Rosenkrantz (1762-1838) var ein av dei som tok initiativet til å slå saman Bragernes og Strømsø til Drammen i 1811, og difor fekk Rosenkrantzgata i dei noverande administrative bydelane Bragernes og Åssiden namn etter han i samband med at byen vart hundre år i 1911. Den 1. januar 2020 slo Drammen, Svelvik og Nedre Eiker seg saman til nye Drammen kommune.^[1]

Drammen kommune har innbyggjarar, men byen har vakse slik at han strekker seg inn i nabokommunane Lier, Asker og Øvre Eiker. Tettstaden Drammen har difor 122 955 innbyggjarar per 1. januar 2023 og er dermed den femte største i Noreg.

Namnet

Namnet er ei forvansking av det gamle namnet «Drafn», som var namnet på den inste delen av Drammensfjorden, 'fn'-leddet har som på dei fleste plassane austafjells blitt til 'mn'. Vidare har det blitt sett inn ein vokal for å forenkle uttalen av 'mn'-leddet.