Giovanni Giacometti

Giovanni Giacometti
Statsborgarskap	Sveits
Fødd	7. mars 1868 Stampa
Død	25. juni 1933 (65 år) Glion
Yrke	kunstmålar
Sjanger	portrett
Far	Alberto Giacometti
Ektefelle	Annetta Giacometti
Born	Alberto Giacometti, Diego Giacometti, Ottilia Giacometti, Bruno Giacometti
Giovanni Giacometti på Commons

Giovanni Giacometti (7. mars 1868–25. juni 1933) var ein sveitsisk kunstmålar og grafikar. Saman med venen Cuno Amiet var han den leiande postimpresjonisten i sveitsisk kunst. Han var far til både Alberto, Diego og Bruno Giacometti.

Giacometti var det fjerde av åtte born i ein familie i Stampa. Han studerte kunstmåling 1886-87 i München, og 1888-91 saman med Cuno Amiet hos William Adolphe Bouguereau og Joseph Nicolas Robert-Fleury ved Academie Julian i Paris. I sine tidlege år var han særleg påverka av målaren Giovanni Segantini, som frå 1894 om somrane tok han med til landsbyen Majola. Han mottok sterke inntrykk frå den fauvistiske kunstrørsla og -stilen, og av kunstnarane Cuno Amiet, Paul Cezanne og Vincent van Gogh. I 1900 braut han vekk frå stilten til Segantini, og byrja ta etter den postimpresjonistiske stilen i fransk målarkunst.

Kring 1904 budde Giacometti med familien sin i fjellandsbyen Borgonovo i Bergell. Seinare flytta dei til eit nærliggande hus i Stampa, der Giacometti brukte låven til atelier. År 1908 vart Giacometti, saman med nokre andre kunstnarar, invitert av kunstnargruppa Die Brücke til å stille ut arbeida sine i Dresden. I åra mellom 1906 og 1911 måla Giacometti i ein ekspressiv stil.

Verka til Giacometti består av impresjonistiske landskapsmåleri og portrett av familien og lokale personlegdomar, som målaren Michel-Elvezia Baldini. Nokre av måleria hans er forma i ein symbolistisk stil. Arbeida hans er representerte i dei fleste sveitsiske musea.

Han døydde i Glion i 1933.

Commons har multimedium som gjeld: Giovanni Giacometti