Cyndi Lauper

Cyndi Lauper
Cyndi Lauper i Australia i 2011, under Memphis Blues Tour
Fødd	22. juni 1953 (71 år)
Fødestad	New York by
Fødenamn	Cynthia Ann Stephanie Lauper
Opphav	Ozone Park i Queens i New York City i USA
Aktiv	1980 til i dag
Sjanger	Pop, rock, new wave, dance, blues, soul
Instrument	Vokal, gitar, dulcimer
Stemmetype	sopran
Plateselskap	Portrait, Epic, Daylight, Downtown
Verka som	Songar-låtskrivar, skodespelarinne
Gift med	David Thornton
Prisar	Tony-prisen for beste originalmusikk, Grammy Award for beste nye artist, Grammy Award for Best Musical Theater Album, Primetime Emmy Award for Outstanding Guest Actress in a Comedy Series, stjerne på Hollywood Walk of Fame, VH1 Trailblazer Honors, MTV Video Music Award for Best Female Video

Cynthia Ann Stephanie «Cyndi» Lauper (fødd 22. juni 1953)^[1] er ein amerikansk songar, tekstforfattar, skodespelar og LHBT-aktivist.^[2] Debutalbumet hennar som soloartist, She's So Unusual frå 1983 vart ein umiddelbar kommersiell suksess. Albumet var det første kvinnelege debutalbumet som gav fire singlar som nådde topp 5 på Billboard Hot 100—«Girls Just Want to Have Fun», «Time After Time», «She Bop» og «All Through the Night», noko som gav Lauper Grammyprisen for årets nykommar i 1985. Suksessen hennar heldt fram med filmmusikken til filmen The Goonies og den andre plata hennar, True Colors (1986), med hitten med same namn, og «Change of Heart», som nådde tredjeplassen og gav Lauper to nominasjonar til Grammyprisen i 1987.

Sidan 1989 har Lauper gjeve ut ni studioalbum og delteke i mange andre prosjekt. Det nyaste albumet hennar, Memphis Blues låg 13 veker på rad på førsteplassen på bluesalbumlista i USA. I 2011 gav Lauper ut ein bestseljande sjølvbiografi som tok for seg kampen hennar med barnemishandling og depresjon.^[3]

I 2013 skreiv Lauper ferdig musikk og tekst til Broadway-musikalen Kinky Boots, som gav ho Tonyprisen 2013 for beste musikal.^[4] I 2013 vart ho den første artisen på 25 år som toppa dancelista i USA med ein Broadway-singel. I 2014 fekk Lauper Grammyprisen for beste musikalalbum for Kinky Boots^[5]

I løpet av karrieren har Lauper gjeve ut over 40 singlar og seld meir enn 80 millionar album verda over.^[6][7] Ho vann den første «Beste kvinnelge video» under Video Music Awards i 1984^[8] og er utstilt i Rock and Roll Hall of Fame Museum-utstillinga kalla Women Who Rock, som illustrerer den viktige rolla kvinner har hatt i rockehistoria.^[9] Lauper har vunne prisar frå Grammy, Emmy, Tony, MTV VMA, Billboard og AMA. I 1999 rangerte VH1 Lauper på 58. plassen på lista deira over dei 100 største kvinnene i rock and roll.^[10] Lauper er ein av berre tjue artistar som har fått «GET»-status ved å vinne Grammy-, Emmy- og Tonyprisar.

Lauper har blitt lovprisa for det humanitære arbeidet sitt dei siste 30 åra, særleg når deg gjeld kampen for rettar for homofile og transpersonar i USA. Arbeidet hennar vart anerkjend i 2013, då ho vart invitert som spesiell gjest ved den innsetjingssermonien til president Barack Obama.^[11]

• She's So Unusual (1983)
• True Colors (1986)
• A Night to Remember (1989)
• Hat Full of Stars (1993)
• Sisters of Avalon (1996)
• Merry Christmas... Have a Nice Life (1998)
• At Last (2003)
• Shine (2004)
• Bring Ya to the Brink (2008)
• Memphis Blues (2010)

Wikifrasar har ei sitatsamling som gjeld: Cyndi Lauper

• Offisiell nettstad
• «Cyndi Lauper» the song, by Mat Shearer^{[daud lenkje]}
• Cyndi Lauper Fansite
• Paul Burston, «Cyndi Lauper is Back, and the Girl still wants to Have Fun» (interview), The Times, August 2, 2008
• Cyndi Lauper ved The Internet Movie Database (IMDb)
• NYTimes-reportasje frå 2010