Costa da Morte

Costa da Morte (tyder «Dødskysten») er ein del av kysten av Galicia i Spania. Costa da Morte strekkjer seg frå landsbyen Fistera til byen Malpica. Den største byen ved kysten her er A Coruña.

«Dødskysten» har fått dette namnet på grunn av dei mange skipsvraka som ligg like utanfor dei farlege klippene. Medan Rías Baixas er verna av ei ujamn kystlinje og mange øyar, er Costa da Morte direkte utsett for Atlanterhavet. Det er eit område som har vorte råka av fleire oljeutslepp, mellom anna frå «Prestige» i 2002.

Det ytre neset er kjent av antropologiske, historiske og geografiske årsaker. Namnet på galisisk er Fisterra, og opphavet til dette namnet går heilt tilbake til førromersk tid då det vart sagt at dette var enden på verda (Finis-terrae). Området vart kristna av den romersk-katolske kyrkja ved at mange kristne pilegrimar reiste hit langs Jakobsvegen.

Folk i området har bevart dei førkristne keltiske ritualstadane og ført med seg noko av den gamle trua. Til dømes finst det store pedras de abalar (ruggesteinar) gjennom heile området. Desse var heilage keltiske stader og nytta i forskjellige rituale som framleis går att i den lokale kulturen.

Costa da Morte inkluderer Kapp Finisterre (spansk Cabo Finisterre; galisisk Cabo Fisterra), eit nes som er det vestlegaste punktet i Galicia. Kapp Finisterre er det vestlegaste punktet i Spania, men ikkje i Europa (som er Cabo da Roca i Portugal).

På Kapp Finisterre står eit kjent fyr og i nærleiken ligg byen Fisterra.

Av byar og landsbyar langs kysten finn ein:

1. A Coruña
2. Ensenada do Orzán
3. Bens
4. Suevos
5. Praia de Barrañán
6. Caión
7. Praia de Baldaio
8. Punta do Razo
9. Punta Falcoeira
10. Malpica
11. Illas Sisargas
12. Barizo
13. Punta de Nariga
14. Corme
15. Balarés
16. Ria de Laxe
17. Cabo de Laxe
18. Praia de Traba
19. Camelle
20. Praia do Trece
21. Cabo Vilán
22. Camariñas
23. Muxia
24. Punta da Barca
25. Cabo Touriñán
26. Nemiña
27. Ria de Lires
28. Praia do Rostro
29. Cabo da Nave
30. Fisterra