Von-Goeben-Kasern
De Von-Goeben-Kasern weer en Kasern von de Bundswehr in Stood, de von 1956 bet 1994 bestahn hett. Vondaag liggt op dat Gelänn de Stoder Stadtdeel Ottenbeek.
De Kasern weer beten mehr as 320 Hektar groot. Knapp 90 Hektar mit Gebüüd un bi 240 Hektar Övungsplatz. Dor weren so üm un bi 2500 Soldaten un 500 Zivilisten statschoneert.
Historie
[ännern | Bornkood ännern]Nadem de Bundswehr 1956 nee opstellt worrn is, hett se ok dat ole Gelänn von’n Flegerhorst Stood övernahmen. Toeerst blots en Deel, later mehr. Bet 1963 hett dat Luftwaffen-Ausbildungsregiment 2 dor seten un von 1963 af an Eenheiten von dat Heer. Ünner annern weer dat Standoort von de 3. Panzerdivision ut Buxthu. Ok Delen von dat Artillerieregiment 3, Pioniers von dat Pionierbataillon 3 (von’n 1. Mai 1968 bet 30. September 1993) un Logistik-Verbänn weren dor statschoneert.
Den Naam Von-Goeben-Kasern na’n prüüßschen General August Karl von Goeben hett de Kasern 1966 kregen. An de Ingang to de Kasern stunn ok en Statue vun hüm.
De letzten Soldaten sünd denn in’n Dezember 1994 aftrocken. De olen Gebüüd sünd na disse Tied zivil bruukt worrn un dor is de Stadtdeel Ottenbeek mit üm un bi 2000 Inwahners von worrn.
Koordinaten:53° 34′ N, 9° 30′ O