Tiny Parham

Hartzell Strathdene „Tiny“ Parham (* 25. Februar 1900 in Winnipeg, Manitoba; † 4. April 1943 in Milwaukee, Wisconsin) weer en US-amerikaansch Jazzpianist, Arrangeur un Bandleader vun den New Orleans Jazz.

Parham is in Kansas City upwussen. To Anfang vun sien Karriere tour er mit Territory Bands in‘ Süüdwesten vun de USA, denn truck he 1926 nach Chicago. Dor harr he Engagements in dat Dreamland Café un in dat Apollo Theatre un nehm Platten mit Johnny Dodds up, de tüschen 1927 un 1930 entstahn sünd (Loveless Love, Nineteenth Street Blues). Buterdem hett he verscheeden Blues-Sängerinnen begleit. Parham harr aber ok en eegen Formatschoon mit den Klarinettisten Omer Simeon, den Kornettisten „Kid“ Punch Miller un den Bassisten Milton Hinton. Bi Upnahmen mit Parhams Forty Five ist Kid Ory as Solist to hören (A Little Bit Closer). Nah 1930 hett Parham in Theatern un Nachtclubs as Organis arbeitt; sien letzt Upnahmen entstunnen 1940.

• Rex Harris & Brian Rust: Recorded Jazz: A Critical Guide. London, Penguin Books, 1958.
• John Jörgensen & Erik Wiedemann: Jazzlexikon. München, Mosaik, 1967

• Biografie vun Scott Yanow in de All Music Guide (engelsch)
• Biografie bi redhotjazz.com