Rudolf Vogel (Schauspeler)

Rudolf Vogel (* 10. November 1900 in Planegg; † 9. August 1967 in München) weer en düütsch Schauspeler un Hörspeelsnacker.

Rudolf Vogel weer en Söhn vun Alfred Walter von Heymel, den Mitbegrünner van den Insel-Verlag in Leipzig. He is bi Adoptivöllern upwussen un hett an dat Münchner Max-Gymnasium dat Abitur maakt. 1918 hett he Kriegsdeens leis tun weer dornah in dat Bankgewarf tätig.

Rudolf Vogel hett 1922 bit 1924 sien Schauspeelutbillen bi Konstantin Delcroix in München maakt. An’n 17. Oktober 1924 stunn he eerstmals up de Bühne. Van 1926 bit 1929 weer he an de Landesbühne München un dornah bit 1944 an dat Staatstheater, bit he 1944 to’n Kriegsdeent inberopen wurr.

Nah den Krieg hörr Vogel af 1948 to dat Ensemble van de Münchner Kammerspiele. He weer de Franz Moor in Die Räuber vun Schiller, Derwisch in Nathan der Weise, Wirt in Minna von Barnhelm, Lucky in Warten auf Godot, Geronimo in Der Widerspenstigen Zähmung, Jacques in Wie es euch gefällt. Vogel speel faken in Nebenrullen un faken Bedeenstete. Sien Spezialität weer de Grenzberiek tüschen Komik un Unheimlichkeit. In den Kummedien vun Molière verkörper he ok de Titelfigur un glänzte 1962 in Karl Valentin sien Der Firmling.

Rudolf Vogel hett in völ Filmen mitspeelt, wo he meestens nich so nett Spießbörger dorstellen dee (pingelig, boshaft). In den Film Heidi speel he as Huusdeener utnahmswies en goothartigen Minschen. Vogel weer siet den 1940er Johren ok as Synchroonsnacker aktiv. Todem weer he in tallriek Hörspeelproduktschonen as Spreker in’n Insatz, so in en ganz Reeg vun Episoden vun de Reeg Brumml-G’schichten an de Siet vun Michl Lang oder 1948 ünner de Regie vun Fritz Benscher in Sturm im Wasserglas ünner annern mit Otto Osthoff un Annemarie Cordes as Partner.

Rudolf Vogel is de Vader vun den Schauspeler Peter Vogel. 1966 kreeg he dat Bundsverdeenstkrüüz eerste Klass.

Rudolf Vogel is an’n 9. August 1967 in dat Öller van 66 Johren in München storven. He wurr up den olden Bogenhausener Karkhoff in München bisett (Graff Nr. 65, westliche Müer in dat nördlich Drüddel).^[1]

• 1947: Bertolt Brecht: Rechtsfindung 1934 (Obergerichtsrat) – Regie: Helmut Brennicke (RIAS Berlin)
• 1952: Nikolai Gogol: Der Revisor (Ossip) – Regie: Walter Ohm (BR)
• 1954: Leonhard Frank: Die Ursache (Lehrer Mager) – Regie: Walter Ohm (BR)

• Rudolf Vogel (Schauspeler) in de Internet Movie Database (engelsch)
• Rudolf Vogel bi fimportal.de]
• Rudolf Vogel bi synchrondatei.de]

1. ↑ knerger.de: Das Grab von Rudolf Vogel