Henry Seeland

Henry Seeland (* 22. April 1927; † 30. März 2014) weer en plattdüütschen Schriever.

Seeland is 1927 boren un 1951 dör en Avendstudium Architekt worrn.

Seeland weer von 1937 af an Maat von’n TV Jahn Willemsborg un bet to de Fusion 2003 to’n SV Willemsborg Vörsitter von’n TV Jahn Willemsborg. 13 Johr lang weer he in’t Präsidium von’n Hambörger Sportbund.

Seeland weer bi’n Plattdüütschen Stammdisch von’n Willemsbörger Börgervereen aktiv un hett tohoop mit sien Fro Marta en Kookbook rutgeven, mit Rezepten, de se bi’n Stammdisch sammelt hebbt. As dat in Hamborg in de Tied so üm 2002 rüm dor üm güng, en Plattdüütschen Root för Hamborg intorichten, hett he sik dor ok dull för insett. In de Tied von 2002 bet 2006 weer he Afornten för Hamborg in’n Bundesraat för Nedderdüütsch.

An’n 4. März 2005 hett Seeland von’n Senaat von Hamborg de Madallje för Troe Arbeid in’n Deenst von dat Volk kregen.

• Kookbook. (sammelt von’n Plattdüütschen Stammdisch von’n Willemsbörger Börgervereen), Norderstedt 2001, ISBN 3-8311-2845-6

• Henry Seeland in de Datenbank Die niederdeutsche Literatur (hoogdüütsch)
• Korte Vertellers von Seeland op wilhelmsburg.de (plattdüütsch)

De Artikel „Henry Seeland“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.