Gene Quill

Gene Quill (egentlich Daniel Eugene Quill; * 15. Dezember 1927 in Atlantic City; † 8. Dezember 1988^[1]) weer en US-amerikaansch Jazz-Altsaxophonist un Klarinettist. He speel ünner annern mit Phil Woods.

Gene Quill wurr mit dartein Johren Berufsmusiker un hett anfangs bi Jerry Wald, Art Mooney, Buddy DeFranco arbeit, later henn bi Claude Thornhill, Gene Krupa, Dan Terry un Quincy Jones (This Is How I Feel About Jazz). 1957 speel he up en Album vun John Coltrane mit un hett mit Phil Woods en Formation mit de Naam Phil and Quill leit, in de se mit verscheeden Begleitmusikers in New Yorker Nachtclubs uptreden sünd. 1957 hett he an dat Album A Swinging Introduction to Jimmy Knepper mit. Dornah speel he bi Johnny Richards un Nat Pierce. To Anfang vun de 1960er-Johren weer he bi Gerry Mulligan anstellt un is mit hüm un de Band dör ganz Europa tourt, dornah weer he as free schaffend Musiker in New York tätig. Af 1966 harr Quill ok sien eegen Quartett. He hett Platten mit Mundell Lowe, Jimmy Knepper, Quincy Jones, Manny Albam, Bill Potts, Michel Legrand as ok mit Billie Holiday upnommen. He muss denn aber sien Karriere wegen Krankheit beenden.

• Jazzville 56, Vol. 1 - Charlie Rouse-Julius Watkins Quintet/Gene Quill-Dick Sherman (Dawn, 1956)
• Gene Quill, Hank Jones Quartet: Rhythm Plus One (Epic, Fresh Sound, 1956)^[2]
• The Blues is Everybody's Business (Gambit, 1955-57) mit Manny Albam, Bernie Glow, Phil Woods, Eddie Costa, Nat Pierce, Billy Bauer
• Jazz Greats of Our Time (Lonehill Jazz, 1957/58)
• Gene Quill All Stars: Three Bones and a Quill (Roost/Fresh Sound, 1958) mit Jimmy Cleveland, Frank Rehak, Hank Jones, Nat Pierce, Whitey Mitchell, Charli Persip

• Carlo Bohländer, Karl Heinz Holler, Christian Pfarr: Reclams Jazzführer. 4. Auflage. Reclam, Stuttgart 1991, ISBN 3-15-010355-X.
• Richard Cook, Brian Morton: The Penguin Guide to Jazz on CD. 6. Auflage. Penguin, London 2002, ISBN 0-14-017949-6.

• Hans-Jürgen Schaal: 3 x Q. Gegen das Vergessen.

1. ↑ nah de New Grove Dictionary of Jazz
2. ↑ Dat Epic-Album weer en Anthologie mit dree Titeln vun Quill, buterdem Upnahmen vun Jimmy Cleveland, Seldon Powell un Conte Candoli.