Freising

Freising (fröher Frigisinga, Frisinga, Freisingen, Freysing, latiensch: Frisinga (Adjektiv: Frisingensis)) is en Groot Kreisstadt un Universitätsstadt in Bayern. Se liggt an de Isar ungefähr 30 Kilometer nöördlich vun München. Freising is Verwaltenssitt vun den glieknamigen Landkreis Freising un nah München, Ingolstadt un Rosenheim de veertgröttste Stadt in den Regeerensbezirk Oberbayern. De Stadt weer Hartogsitt vun dat eerste baierisch Stammhartogdom (af 555 n Chr.) un kreeg as fröhmiddelöllerich Bischopsseet (siet 739) un later as Fürstbisdom groot Bedüüden.

To de wiethenn sichtbor Wohrteken vun Freising hörrn de 56 Meter hooch Toorns vun den romanschen Dom St. Maria un St. Korbinian up den Dombarg, de 84 Meter hooch Barocktoorn vun de Stadtpfarrkirche St. Georg un der 64 Meter hooch Toorn vun de Rokoko-Klosterkark Neustift.

Freising liggt 448 m över NN, 33 km noordööstlich vun München in Oberbayern. De geschichtsträchtige Oltstadt liggt an de Hügels links vun de beid Strööms Isar un Moosach, wiels sück ööstlich vun de Isar dat flaak Erdinger Moos mit nee Stadtdeelen erstreckt. Wieder süüdööstlich un blots 5 km vör de Stadt liggt de Flooghaven München Franz Josef Strauß.

Freising hett 45.118 Inwahner (Stand: 31. Dez. 2009) up en Rebeet vun 88,45 km², dat sück över acht Stadtdeelen erstreckt: Altstadt, Eichenfeldsiedlung, Lerchenfeld, Neustift, Seilerbrückl, Tuching, Weihenstephan un Vötting

Freising. Mehr Biller, Videos oder Audiodateien to’t Thema gifft dat bi Wikimedia Commons.

• Zur Geschichte Freisings
• Landkoorten mit Radrouten