Eberhard Stalljohann
Eberhard Stalljohann (* 21. September 1927 in Hasbiärgen; † 30. September 1999 in Ossenbrügge-Eversburg) weer en düütschen Richter in Neddersassen.
Stalljohann is 1927 as Söhn von en Iesenbahnbeamten in Hasbiärgen boren.[1] He weer op dat Realgymnasium Ossenbrügge un 1945 Flakhelper, bi’n Arbeidsdeenst un toletzt Soldaat in’n Tweten Weltkrieg.[1] He hett von 1949 bet 1952 an de Universität Mönster[1] Juristeree studeert un dor 1958 sien Dr. iur. maakt. Na siene Referendartied weer he Straaf- un Zivilrichter bi dat Landgericht Ossenbrügge un is 1960 Richter bi dat Oberlandsgericht Ollnborg worrn.[1] Twee Johr weer he in dat Neddersassische Justizministerium.[1]
Von 1972 bet 1974 weer he Präsident von dat Landgericht Veern un is in dat Johr Präsident von dat Oberlandsgericht Ollnborg worrn.[1] Von 1974 bet 1976 weer he tosätzlich Viez-Maat, von 1976 bet 1992 Maat un 1988 bet 1992 ok Präsident von’n Neddersassischen Staatsgerichtshoff.[2] 1980 is he as Vörsitter von de Ollnborger Universitätssellschop wählt worrn.[3]
Warken
[ännern | Bornkood ännern]- Die Bedeutung der Differenzhypothese für die Berücksichtigung schadensmindernder Umstände, Kramer, Münster/Westfalen 1958, zugleich Dissertation Universität Münster
- Die Richterbesoldung als Verfassungsproblem, in: DRiZ 1967, S. 13
Footnoten
[ännern | Bornkood ännern]- ↑ a b c d e f Hermann August Ludwig Degener, Walter Habel: Wer ist wer? 1993, Band 32, Sied 1312
- ↑ Mitglieder des Niedersächsischen Staatsgerichtshofs seit 1957, Websteed von’n Neddersassischen Staatsgerichtshoff
- ↑ Eberhard Stalljohann neuer Vorsitzender der Uni-Gesellschaft (PDF; 7,2 MB), in: Presse- und Informationsstelle der Universität Oldenburg (Hrsg.): Uni-Info, 17/1980, 14. November 1980, S. 1