Odense

Odense [ˈoːðənsə] (düütsch fröher ok Ottensee) is ene Stadt op Fünen in Däänmark. De Stadt Odense hett 145.554 Inwahners un is de Seet vun de Kommun Odense un Amtskommun Fünen. Se liggt an’n Stroom Odense Å.

Odense is Seet vun dat luthersche Bisdom Odense un vun de 1966 grünnte Universität Odense, de hüüt Deel vun de Süüddäänsche Universität is. Dör den 8,2 Kilometer langen Odensekanal, de twischen 1796 un 1806 boot worrn is, is de Stadt mit den Odensefjord verbunnen. Partnerstäder sünd Swerin in Mekelnborg-Vörpommern un Funabashi in Japan.

Ünner den hüdige Stadt liggt de Resten vun Nonnebakken, een vun de söss bekannten wikingschen Ringborgen vun’n Trelleborg-Typ.

Odense is toeerst 988 as Kultsteed för Odin nöömt worrn (Othensve, wat Hilligdom för Odin bedüüd). De Stadt is siet 1020 Sitt vun’n Bischop, de mit de Reformatschoon vun 1537 an luthersch weer. 1086 König Knut IV. in Odense ümbrocht worrn. 149 kreeg Odense Stadtrecht. Vun 1654 bet 1658 weer Odense de Hööftstadt vun Däänmark un vun 1815 bet 1847 Residenz vun’n Kroonprinz.

Schöön sünd dat Däänsche Iesenbahnmuseum, dat Huus, in dat Hans Christian Andersen boren is, de Oper un de Zoo. In’n Süden vun’e Stadt liggt dat Apenlichtmuseum Dat füünsche Dörp. To de Karken höört de gotische Sankt-Knud-Kark ut dat 13. Johrhunnert, de Froonkark ut dat 12. Johrhunnert mit ehr Altarbild vun Claus Berg un de Johanniskark.

Frederik IV. hett dat Slott Odense boen laten.

Vun 1935 bet 1944 stah in Odense de 177 Meter hoge Utsichtstoorn Odinstårnet.

De Footballvereen in Odense is Odense BK.

An Odense vörbi föhrt de E 20 un de Iesenbahnstreek, de vun Jütland över Fünen na Seeland geiht.

In Odense gifft dat Schipbo-, Motoren-, Elektro-, Textil- un Nehrmiddelindustrie. De Albani-Broeree maakt dat Odense Pilsner.

• Hans Christian Andersen, Dichter und Schriftsteller

• Websteed vun de Stadt (däänsch)