Werner Wölbern

Opwassen is Wölbern in’t neddersass’sche Woonst. Eerste Insichten op de Bühne hett he wiel sien Schooltiet in de Theater-AG vun’t St. Viti Gymnasium in Zeven sammeln. Na sien Abitur hett he toeerst Theaterwetenschop studeert, güng denn aver na Essen an de Folkwang-Hoochschool, woneem he vun 1984 bit 1988 en Utbilln to’n Schauspeler maakt hett. Dorna weer he an verschedene Theaters anstellt, as in Heilbronn, Esslingen, Köln un Düsseldörp. 1995 is Wölbern an dat Thalia Theater in Hamborg wesselt un weer vun 1999 bit 2004 fast Liddmatt vun’t Ensemble an’t Wiener Borgtheater. Dorna keem he wedder na Hamborg torüch^[1].

In’n März 2006 weer de Premiere vun Katzelmacher vun Fassbinder. Wölbern weer Speelbaas bi disse Inszeneeren vun’t Schauspeel Essen, de bi’t Schauspeelschooldrapen 2006 mit den Ensemblepries uttekent worrn is^[2].

Blangen de Bühnenschauspeleree is Wölbern ok in Film- un Feernsehprodukschonen to sehn. Gröttere Rullen hett he to’n Bispeel in dat Filmdrama Herz oder in de Sat.1-Krimiprodukschoon Klassentreffen – Mordfall unter Freunden speelt. In’n Sommer 2007 stünn he bi de Literaturverfilmen vun Das Feuerschiff vun Siegfried Lenz vör de Kamera^[3]. Bito hett he ok an verschedene Höörspelen un Höörböker mitarbeit, as to’n Bispeel in Der Steppenwolf, dat 2004 mit den Hörkules uttekent worrn is. Siet dat Wintersemester 2007/2008 is Wölbern Professer för dat Fack „Rullenspeel un szeensch Ünnerricht“ an de Hoochschool för Musik un Dorstellen Kunst Frankfort an’n Main.

Wölbern leevt mit sien Familie in Hamborg. He het twee Jungs un is mit de Theaterspelerin Anne Schieber veheiraadt.

• 1988 – The Glass Menagerie (Die Glasmenagerie) vun Tennessee Williams as Tom (Theater Heilbronn)
• 1989 – Der Selbstmörder vun Nicolai Erdmann as Semjon (Württembergsche Landsbühne Esslingen)
• 1991 – Die Räuber vun Friedrich Schiller as Franz Moor (Schauspeelhuus, Bühnen vun de Stadt Köln)
• 1993 – Der Kindermörder vun Oliver Reese as Jürgen Bartsch (Düsseldörper Schauspeelhuus)
• 2001 – The Troublesome Reign and Lamentable Death of Edward the Second (Edward II.) vun Christopher Marlowe as Edward II. (Thalia Theater, Hamborg)
• 2003 – Glaube Liebe Hoffnung vun Ödön von Horvath as Rott (Borgtheater Wien)
• 2004 – King Arthur vun Henry Purcell as Grimbald (Salzburger Festspelen)
• 2005 – Mein Kampf vun George Tabori as Shlomo Herzl (Thalia Theater, Hamborg)
• 2006 – Svevn (Schlaf) vun Jon Fosse as De middelolle Mann (Borgtheater Wien)
• 2006 – Sommergäste vun Maxim Gorki as Suslow (Thalia Theater, Hamborg)
• 2007 – Cat on a Hot Tin Roof (Die Katze auf dem heißen Blechdach) vun Tennessee Williams as Gooper (Thalia Theater, Hamborg)
• 2007 – Ersatzbank vun Albert Ostermaier as Uwe (Thalia Theater, Hamborg)
• 2007 – Maria Stuart vun Friedrich Schiller as Graff Leicester (Thalia Theater, Hamborg)
• 2008 – Der Weibsteufel vun Karl Schönherr as De Mann (Borgtheater Wien)
• 2009 – Bygmester Solness (Baumeister Solness) vun Henrik Ibsen as Halvard Solness (Schauspeelhuus Hamborg)
• 2010 – Interview na den Film vun Theo van Gogh as Pierre Peters (Hamborger Kamerspelen)
• 2014 – Faust vun J.W. Goethe as Faust (Residenztheater München)
• 2014 – Djadja Vanja (Дядя Ваня; Onkel Wanja) vun Anton Tschechow as Unkel Wanja (Schauspeelhuus Bochum)
• 2017 – Oresteia (Ὀρέστεια; Orestie) vun Aischylos as Agamemnon (Schauspeelhuus Bochum)
• 2019 – Faust vun J.W. Goethe as Faust (Borgtheater Wien)
• 2020 – Der zerbrochene Krug vun Heinrich von Kleist as Dorfrichter Adam (Schauspeel Hannober)

• 2002 – Der Steppenwolf
• 2002 – Prometheus
• 2004 – Der Doppelgänger
• 2004 – Die Großtaten eines jungen Don Juan
• 2005 – Wendekreis des Krebses
• 2006 – Mein Leben mit Mozart
• 2006 – Buddha: Der Pfad der Vervollkommnung
• 2007 – Woyzeck
• 2008 – Worte der Weisheit
• 2008 – Die Kinder der 6. Dämmerung
• 2008 – Doktor Faustus/ Thomas Mann
• 2009 – Die Schlafwandler
• 2010 – Die Serapions-Brüder
• 2012 – Ulysses

2000 un 2002 weer Wölbern för den Nestroy-Theaterpries nomineert^[4]. 2009 is he – tosamen mit sien Kollegen Birgit Minichmayr un Nicholas Ofczarek – in’n Rahmen vun’t Berliner Theaterdrapen mit den 3sat-Pries uttekent worrn^[5].

1. ↑ Profil op de Websteed vun’t Thalia Theater
2. ↑ Pressemitdelen vun de Folkwang-Hoochschool
3. ↑ Bericht vun Welt Online
4. ↑ offizielle Websteed to’n Nestroy-Pries
5. ↑ Bericht op Nachtkritik.de vun’n 17.5.2009

• Werner Wölbern in de Internet Movie Database (engelsch)
• Profil bi de Agentur Vogel