Freenbeek
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21717 | |
| Vörwahl: | 04149 | |
| Geograafsche Laag: | Koordinaten:53° 31′ N, 9° 24′ O53° 31′ N, 9° 24′ O | |
|
| ||
Freenbeck (hoochdüütsch Fredenbeck) is de Hauptoort von de Gemeen Freenbeek in de Samtgemeen Freenbeek, Landkreis Stood, Neddersassen.
De beiden Öörd Groot Freenbeek un Lüttjen Freenbeek weren noch bet to de Kommunalreform in Neddersassen 1972 twee egenstännige Gemenen, warrt vondaag aver mehrstendeels as een Oort opfaat, ofschoonst dat Daal von’n Möhlenbeek de beiden Oortsdelen noch jümmer rüümlich trennt.
Geografie
ännernDe Oort liggt op de Stoder Geest. Dat Water ut dat Rebeed flütt över’n Möhlenbeek na de Swing hen af. Dat Daal von’n Möhlenbeek billt deelwies dat Naturschuulrebeed Freenbeker Möhlenbeek. In’n Oosten liggt ok noch dat Naturschuulrebeed Deinster Möhlenbeek.
De Naveröörd sünd Wiepenkathen in’n Noorden, Hagen in’n Noordoosten, Deinst un Helmst in’n Oosten, Lünenspecken, Frankenmoor un Wehl in’n Süden, Bokel un Kutenhult in’n Süüdwesten, Mulsen in’n Westen un Hogenoh un Swing in’n Noordwesten.
Historie
ännernFreenbeek kummt 1255 as Vreddebecke dat eerste Maal in de Oorkunnen vör.
Religion
ännernFreenbeek is evangeelsch-luthersch präägt un billt mit de Martin-Luther-Kark en egen Kaspel. De Kark is 1960/1961 boot worrn. Vörher hett de Oort to dat Kaspel von de Primus-Kark in Bargst höört.
Von 1968 bet 2003 harr Freenbeek mit de Lukas-Kark ok en kathoolsche Kark. De Kark is denn dichtmaakt worrn, üm Geld to sporen. Vondaag höört Freenbeek to de Karkengemeen von de Hillig-Geist-Kark in Stood. En annere kathoolsche Kark in de Ümgegend is de Michael-Kark in Harsfeld.
In Freenbeek gifft dat twee Karkhööv. De Karkhoff Lüttjen Freenbeek liggt an de Straten An’n Karkhoff un Hauptstraat. Dor gifft dat ok en Kapell. De Karkhoff Groot Freenbeek liggt en beten buten den Oort an de Straat An de Eken un hett keen Kapell.
Kultur un wat to bekieken is
ännernSport
ännernDe Spood von de Handballmannschopen vun den örtlichen Sportvereen VfL Freenbeek hett Freenbeek in Düütschland bekannt mookt.
Verenen
ännernDe Freewillige Füürwehr von Lüttjen Freenbeek is an’n 20. Juli 1935 grünnt worrn un de von Groot Freenbeek an’n 31. Juli 1935. De beiden Füürwehrn sünd an’n 1. Juni 2003 denn tohoopleggt worrn.
Weertschop un Infrastruktur
ännernFreenbeek gellt na dat Regionale Ruumordnungsprogramm as Grundzentrum för de Öörd in de Ümgegend.
Ünnernehmens
ännernIn Freenbeek in de Hauptstraat 5 is de Seet von de Volksbank Freenbeek-Olendörp. De Kreisspoorkass Stood hett in de Bahnhoffstraat 2 en Filiaal.
Scholen
ännernIn Freenbeek gifft dat de Grundschool Freenbeek un as Oberschool de Geestlandschool.
Weblenken
ännern- Websteed von’n Sportvereen VfL Freenbeek (hoochdüütsch)