Adalbert Herwig

Adalbert Herwig (* 5. April 1901 in Allendorf; † 17. Juni 1961 in Wene) weer en düütschen Politiker von de NSDAP.

Herwig is 1901 in Allendorf boren un weer eerst op de Volksschool un denn op de Hannelsschool. Von 1919 bet 1921 weer he bi dat Jägerkorps von Chappuis un dat Reserve-Jäger-Bataillon 11 (Marburg). Dor hett he bi de Gefechten 1919/1920 in dat Rhienland un in Oberschlesien mitmaakt. He hett denn in de Holtbranche arbeidt un weer von 1927 af an Landarbeider.

Nadem he al siet 1922 to verscheden Wehrverbänn tohöört hett, is Herwig an’n 1. August 1929 in de NSDAP rin, in de he mit de Tied verscheden Funkschonen harr (ünner annern as Gauamtsleiter). Üm de sülve Tied güng he ok in de SA rin, in de he an’n 8. April 1931 Standartenführer worrn is un denn Brigadeführer von de SA-Brigade 59 (Oberharz).

Von März 1933 bet Mai 1945 weer Herwig Afornten von de NSDAP in’n Rieksdag, in den he as Kannedaat in’n Wahlkreis 15 (Oosthannover) rinkamen weer. Von 1. Dezember 1936 bet 1942 weer he ok Börgermeester von de Stadt Oterndörp.